།སྣང་བའི་གཙོ་ལ་ཨ་བ་ཀན་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཡུལ་འཁོར་ཏོག་ནི་ཚོང་པའི་ཚེ། །བདེ་གཤེགས་སྣ་ཚོགས་དབྱངས་བརྒྱན་དེ་ལ་ནི། །བ་སོའི་ཁང་པ་བརྩེགས་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་པད་མའི་སྙིང་པོ་དགེ་སློང་ཚེ། །འཇི་བ་དག་ལས་གཟུགས་ནི་བྱས་ནས་ཀྱང་། །དེ་བཞིན་གཤེགས་པ་དོན་ལ་དགྱེས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་གཟི་བརྗིད་མཐའ་ཡས་ཆང་འཚོང་ཚེ། །དེ་བཞིན་གཤེགས་པ་སྤྱོད་པ་གསལ་དེ་ལ། །བཀྲུ་བ་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ལྷ་ཡི་འོད་ཟེར་དགེ་སློང་ཚེ། །བཅྭ་ལྔའི་ཚེ་ན་ཆོས་ཀྱི་སྦྱིན་བྱས་ནས། །དེ་བཞིན་གཤེགས་པ་མྱ་ངན་སྤོང་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཤེས་རབ་མེ་ཏོག་སྤུག་འཚོང་ཚེ། །དེ་བཞིན་གཤེགས་པ་མངོན་ཤེས་འོད་དེ་ལ། །སྤུག་གི་ནོར་བུ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་མཁས་པ་འབྲས་འཚོང་ཚེ། །དེ་བཞིན་གཤེགས་པ་མདངས་ཀྱི་སྟོབས་དེ་ལ། །འབྲས་ཀྱིས་སྤར་བ་བཀང་སྟེ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཡེ་ཤེས་འབྱོར་ལྡན་ནི། །ཤིང་རྟ་མཁན་ཚེ་བདེ་གཤེགས་གསལ་བའི་དཔལ། །དེ་ཡི་རླུང་སྐྱབས་དག་ནི་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ཚངས་དབྱིག་ཤིང་སྲུངས་ཚེ། །དེ་བཞིན་གཤེགས་པ་མཐོང་བར་གྲགས་དེ་ལ། །ག་ན་ཀོ་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་ཕྱག་ན་རིན་ཆེན་རྒྱལ་པོའི་ཚེ། །དེ་བཞིན་གཤེགས་པ་རྣམ་གྲོལ་འོད་ཟེར་དེའི། །ན་བཟའ་དག་ནི་ཁ་དོག་བསྒྱུར་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་དབང་ལྡན་ཚལ་གྱི་ལས་བྱེད་ཚེ། །དེ་བཞིན་གཤེགས་པ་ཡིད་གཉིས་རྣམ་གནོན་ལ། །ཁར་ཛུ་ར་ཡི་འབྲས་བུ་བརྒྱད་ཕུལ་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རྫོགས་པར་གསུང་བ་ཤིང་སྲུངས་ཚེ། །དེ་བཞིན་གཤེགས་པ་དུས་མཁྱེན་རྒྱལ་པོ་ལ།