ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines

Śata­sāhasrikā­prajñā­pāramitā

Degé Kangyur volume 16, F.43.b

མངོན་པར་འདུ་བྱ་བ་མེད་པ་ལ་གནས་མེད་དོ། །​རོ་འབྱུང་བ་མེད་པ་ལ་གནས་མེད་དོ། །​རོ་མི་དམྱིགས་པ་ལ་གནས་མེད་དོ། །​རབ་འབྱོར་རེག་སྐྱེ་བ་མེད་པ་ལ་གནས་མེད་དོ། །​རེག་འགག་པ་མེད་པ་ལ་གནས་མེད་དོ། །​རེག་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​རེག་མངོན་པར་འདུ་བྱ་བ་མེད་པ་ལ་གནས་མེད་དོ། །​རེག་འབྱུང་བ་མེད་པ་ལ་གནས་མེད་དོ། །​རེག་མི་དམྱིགས་པ་ལ་གནས་མེད་དོ། །​རབ་འབྱོར་ཆོས་སྐྱེ་བ་མེད་པ་ལ་གནས་མེད་དོ། །​ཆོས་འགག་པ་མྱེད་པ་ལ་གནས་མེད་དོ། །​ཆོས་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མྱེད་པ་ལ་གནས་མེད་དོ། །​ཆོས་མངོན་པར་འདུ་བྱ་བ་མེད་པ་ལ་གནས་མེད་དོ། །​ཆོས་འབྱུང་བ་མེད་པ་ལ་གནས་མེད་དོ། །​ཆོས་མི་དམྱིགས་པ་ལ་གནས་མེད་དོ། །​རབ་འབྱོར་མིག་གི་རྣམ་པར་ཤེས་པ་སྐྱེ་བ་མེད་པ་ལ་གནས་མེད་དོ། །​མྱིག་གི་རྣམ་པར་ཤེས་པ་འགག་པ་མེད་པ་ལ་གནས་མེད་དོ། །​མིག་གི་རྣམ་པར་ཤེས་པ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མྱེད་པ་ལ་གནས་མེད་དོ། །​མྱིག་གི་རྣམ་པར་ཤེས་པ་མངོན་པར་འདུ་བྱ་བ་མེད་པ་ལ་གནས་མེད་དོ། །​མྱིག་གི་རྣམ་པར་ཤེས་པ་འབྱུང་བ་མེད་པ་ལ་གནས་མེད་དོ། །​མྱིག་གི་རྣམ་པར་ཤེས་པ་མི་དམྱིགས་པ་ལ་གནས་མེད་དོ། །​རབ་འབྱོར་རྣ་བའི་རྣམ་པར་ཤེས་པ་སྐྱེ་བ་མེད་པ་ལ་གནས་མེད་དོ། །​རྣ་བའི་རྣམ་པར་ཤེས་པ་འགག་པ་མེད་པ་ལ་གནས་མེད་དོ། །​རྣ་བའི་རྣམ་པར་ཤེས་པ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​རྣ་བའི་རྣམ་པར་ཤེས་པ་མངོན་པར་འདུ་བྱ་བ་མེད་པ་ལ་གནས་མེད་དོ། །​རྣ་བའི་རྣམ་པར་ཤེས་པ་འབྱུང་བ་མེད་པ་ལ་གནས་མེད་དོ། །​རྣ་བའི་རྣམ་པར་ཤེས་པ་མི་དམྱིགས་པ་ལ་གནས་མེད་དོ། །​རབ་འབྱོར་སྣའི་རྣམ་ཤེས་པ་སྐྱེ་བ་མྱེད་པ་ལ་གནས་མེད་དོ། །​སྣའི་རྣམ་པར་ཤེས་པ་འགག་པ་མེད་པ་ལ་གནས་མེད་དོ། །​སྣའི་རྣམ་པར་ཤེས་པ་ཀུན་ནས་

eKangyur, UT4CZ5369-I1KG9142-0000, page 86 (43b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8.html?part=UT22084-014-001-7535#UT22084-014-001-7535