ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines

Śata­sāhasrikā­prajñā­pāramitā

Degé Kangyur volume 16, F.43.a

འདུ་བྱ་བ་མེད་པ་ལ་གནས་མེད་དོ། །​ལྕེ་འབྱུང་བ་མེད་པ་ལ་གནས་མེད་དོ། །​ལྕེ་མི་དམིགས་པ་ལ་གནས་མེད་དོ། །​རབ་འབྱོར་ལུས་སྐྱེ་བ་མེད་པ་ལ་གནས་མེད་དོ། །​ལུས་འགག་པ་མེད་པ་ལ་གནས་མེད་དོ། །​ལུས་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​ལུས་མངོན་པར་འདུ་བྱ་བ་མེད་པ་ལ་གནས་མེད་དོ། །​ལུས་འབྱུང་བ་མེད་པ་ལ་གནས་མེད་དོ། །​ལུས་མི་དམྱིགས་པ་ལ་གནས་མེད་དོ། །​རབ་འབྱོར་ཡིད་སྐྱེ་བ་མེད་པ་ལ་གནས་མེད་དོ། །​ཡིད་འགག་པ་མེད་པ་ལ་གནས་མེད་དོ། །​ཡིད་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​ཡིད་མངོན་པར་འདུ་བྱ་བ་མེད་པ་ལ་གནས་མེད་དོ། །​ཡིད་འབྱུང་བ་མེད་པ་ལ་གནས་མེད་དོ། །​ཡིད་མི་དམྱིགས་པ་ལ་གནས་མེད་དོ། །​རབ་འབྱོར་གཟུགས་སྐྱེ་བ་མེད་པ་ལ་གནས་མེད་དོ། །​གཟུགས་འགག་པ་མེད་པ་ལ་གནས་མེད་དོ། །​གཟུགས་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​གཟུགས་མངོན་པར་འདུ་བྱ་བ་མེད་པ་ལ་གནས་མེད་དོ། །​གཟུགས་འབྱུང་བ་མེད་པ་ལ་གནས་མེད་དོ། །​གཟུགས་མི་དམིགས་པ་ལ་གནས་མེད་དོ། །​རབ་འབྱོར་སྒྲ་སྐྱེ་བ་མེད་པ་ལ་གནས་མེད་དོ། །​སྒྲ་འགག་པ་མེད་པ་ལ་གནས་མེད་དོ། །​སྒྲ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​སྒྲ་མངོན་པར་འདུ་བྱ་བ་མེད་པ་ལ་གནས་མེད་དོ། །​སྒྲ་འབྱུང་བ་མེད་པ་ལ་གནས་མེད་དོ། །​སྒྲ་མི་དམྱིགས་པ་ལ་གནས་མེད་དོ། །​རབ་འབྱོར་དྲི་སྐྱེ་བ་མེད་པ་ལ་གནས་མེད་དོ། །​དྲི་འགག་པ་མེད་པ་ལ་གནས་མེད་དོ། །​དྲི་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​དྲི་མངོན་པར་འདུ་བྱ་བ་མེད་པ་ལ་གནས་མེད་དོ། །དྲི་འབྱུང་བ་མེད་པ་ལ་གནས་མེད་དོ། །​དྲི་མི་དམིགས་པ་ལ་གནས་མེད་དོ། །​རབ་འབྱོར་རོ་སྐྱེ་བ་མེད་པ་ལ་གནས་མེད་དོ། །​རོ་འགག་པ་མེད་པ་ལ་གནས་མེད་དོ། །​རོ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །​རོ་

eKangyur, UT4CZ5369-I1KG9142-0000, page 85 (43a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8.html?part=UT22084-014-001-7534#UT22084-014-001-7534