།སྣའི་རྣམ་པར་ཤེས་པ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །སྣའི་རྣམ་པར་ཤེས་པ་མངོན་པར་འདུ་བྱ་བ་མེད་པ་ལ་གནས་མེད་དོ། །སྣའི་རྣམ་པར་ཤེས་པ་འབྱུང་བ་མེད་པ་ལ་གནས་མེད་དོ། །སྣའི་རྣམ་པར་ཤེས་པ་མི་དམྱིགས་པ་ལ་གནས་མེད་དོ། །རབ་འབྱོར་ལྕེའི་རྣམ་པར་ཤེས་པ་སྐྱེ་བ་མེད་པ་ལ་གནས་མེད་དོ། །ལྕེའི་རྣམ་པར་ཤེས་པ་འགག་པ་མེད་པ་ལ་གནས་མེད་དོ། །ལྕེའི་རྣམ་པར་ཤེས་པ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །ལྕེའི་རྣམ་པར་ཤེས་པ་མངོན་པར་འདུ་བྱ་བ་མེད་པ་ལ་གནས་མེད་དོ། །ལྕེའི་རྣམ་པར་ཤེས་པ་འབྱུང་བ་མེད་པ་ལ་གནས་མེད་དོ། །ལྕེའི་རྣམ་པར་ཤེས་པ་མི་དམྱིགས་པ་ལ་གནས་མེད་དོ། །རབ་འབྱོར་ལུས་ཀྱི་རྣམ་པར་ཤེས་སྐྱེ་བ་མེད་པ་ལ་གནས་མེད་དོ། །ལུས་ཀྱི་རྣམ་པར་ཤེས་པ་འགག་པ་མེད་པ་ལ་གནས་མེད་དོ། །ལུས་ཀྱི་རྣམ་པར་ཤེས་པ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །ལུས་ཀྱི་རྣམ་པར་ཤེས་པ་མངོན་པར་འདུ་བྱ་བ་མེད་པ་ལ་གནས་མེད་དོ། །ལུས་ཀྱི་རྣམ་པར་ཤེས་པ་འབྱུང་བ་མེད་པ་ལ་གནས་མེད་དོ། །ལུས་ཀྱི་རྣམ་པར་ཤེས་པ་མི་དམྱིགས་པ་ལ་གནས་མེད་དོ། །རབ་འབྱོར་ཡིད་ཀྱི་རྣམ་པར་ཤེས་པ་སྐྱེ་བ་མེད་པ་ལ་གནས་མེད་དོ། །ཡིད་ཀྱི་རྣམ་པར་ཤེས་པ་འགག་པ་མེད་པ་ལ་གནས་མེད་དོ། །ཡིད་ཀྱི་རྣམ་པར་ཤེས་པ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །ཡིད་ཀྱི་རྣམ་པར་ཤེས་པ་མངོན་པར་འདུ་བྱ་བ་མེད་པ་ལ་གནས་མེད་དོ། །ཡིད་ཀྱི་རྣམ་པར་ཤེས་པ་འབྱུང་བ་མེད་པ་ལ་གནས་མེད་དོ། །ཡིད་ཀྱི་རྣམ་པར་ཤེས་པ་མི་དམྱིགས་པ་ལ་གནས་མེད་དོ། །རབ་འབྱོར་མིག་གི་འདུས་ཏེ་རེག་པ་སྐྱེ་བ་མེད་པ་ལ་གནས་མེད་དོ། །མིག་གི་འདུས་ཏེ་རེག་པ་འགག་པ་མེད་པ་ལ་གནས་མེད་དོ། །མིག་གི་འདུས་ཏེ་རེག་པ་ཀུན་ནས་ཉོན་མོངས་པ་མེད་པ་དང་།