Degé Kangyur volume 91, F.221.b

།དགེ་སློང་དག་དེ་བཞིན་གཤེགས་པ་ཚེ་དཔག་མེད་ཀྱི་ཉན་ཐོས་འདུས་པ་ཆེན་པོ་ནི་ཉན་ཐོས་ཆེན་པོ་དྲུག་ཁྲི་ཡོད་དོ། །​དགེ་སློང་དག་སེམས་ཅན་ཐམས་ཅད་ཀྱིས་ལེགས་པར་བསམས་ཏེ། དེ་བཞིན་གཤེགས་པ་ཚེ་དཔག་མེད་ཀྱི་མཚན་ལེགས་པར་བཟུང་ལ། ཞག་བཅུར་སངས་རྒྱས་རྗེས་སུ་དྲན་པ་ཡིད་ལ་མ་ཡེངས་པར་སྒོམ་ཞིང་འཇིག་རྟེན་གྱི་ཁམས་བདེ་བ་ཅན་ན་བཞུགས་པའི་དེ་བཞིན་གཤེགས་པ་ཚེ་དཔག་མེད་རྒྱུན་དུ་ཡིད་ལ་བྱའོ། །​དཔལ་འཆི་མེད་རྔ་སྒྲའི་རྒྱལ་པོ་ཞེས་བྱ་བའི་གཟུངས་འདི་ཡང་རྟག་ཏུ་བཟླས་བརྗོད་བྱའོ། །​ཉིན་ལན་གསུམ་མཚན་ལན་གསུམ་ཡན་ལག་ལྔས་ཕྱག་བྱས་ལ་སེམས་ཅན་ཐམས་ཅད་ཀྱིས་དེ་བཞིན་གཤེགས་པ་ཚེ་དཔག་མེད་བསམས་ན། ཞག་བཅུ་འདས་པའི་དུས་སུ་དེ་བཞིན་གཤེགས་པ་ཚེ་དཔག་མེད་མཐོང་བར་འགྱུར་རོ། །​ཕྱོགས་བཅུ་ན་བཞུགས་པའི་སངས་རྒྱས་བཅོམ་ལྡན་འདས་ཐམས་ཅད་ཀྱང་མཐོང་བར་འགྱུར་རོ། །​དགེ་བའི་རྩ་བ་ཐམས་ཅད་ཀྱང་འཇིག་རྟེན་གྱི་ཁམས་བདེ་བ་ཅན་དུ་ཡོངས་སུ་བསྔོས་ན། དེ་འཆི་བའི་དུས་ཀྱི་ཚེ་དེ་བཞིན་གཤེགས་པ་ཚེ་དཔག་མེད་མདུན་ན་བཞུགས་པར་འགྱུར། དེ་བཞིན་གཤེགས་པ་ཚེ་དཔག་མེད་དེའི་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །​དགེ་སློང་དག་འཆི་མེད་རྔ་སྒྲའི་རྒྱལ་པོ་ཞེས་བྱ་བའི་གཟུངས་དེ་གང་ཞེ་ན། ཏདྱ་ཐཱ། ཤ་བ་ལེ། ཨ་བ་ལེ། ས་མ་ཛ་ལེ། ནིརྡེ་ཤེ། ནིར་ཛཱ་ཏེ། ནི་རུ་ཀྟེ། ནིར་མུ་ཁེ། ཛྭ་ལ་བ་རི་ཙྪེ་ད་ནི། སུ་ཁ་བ་ཏི་ནིརྡེ་ཤེ། ཨ་མྲྀ་ཏེ། ཨཱ་ཡུར་གརྦྷ་ནི་ར་ཧཱ་ནི། ཨ་མྲྀ་ཏེ། ཨཱ་ཡུཿཔྲ་སཱ་དྷ་ནི། ནིར་བུད་དྷི། ཨཱ་ཀཱ་ཤ་ནི་རྫཱཏེ། ཨཱ་ཀཱ་ཤ་ནི་རྡེ་ཤེ། ཨཱ་ཀཱ་ཤ་ནིར་ཀུ་ཤ་ཡེ། ཨཱ་ཀཱ་ཤ་ནིར་དརྴ་ནེ། ཨཱ་ཀཱ་ཤ་ཨ་དྷི་ཥྛཱནེ། སུ་ཁ་བ་ཏི་ཨ་དྷིཥྵཱ་ནེ། རཱུ་པ་ནི་རྡེ་ཤེ། ཙ་ཏྭཱ་རི་དྷརྨ་པྲ་སཱ་དྷ་ནེ། ཙ་ཏྭཱ་རི་ཨཱརྱ་སཏྱ་པྲ་སཱ་དྷ་ནེ། ཙ་ཏྭཱ་ནི་མཱ་རྒ་བྷ་བ་ན་པྲ་སཱ་དྷ་ནེ། བ་ལ་བཱིརྱ་པྲ་སཱ་དྷ་ནེ། དྷརྨཱ་ཙྪེ་ད་ནེ། ཀུ་ཤ་ལེ། ཀུ་ཤ་ལ་ནི་རྡེ་ཤེ། ཀུ་ཤ་ལ་པྲ་ཏིཥྛཱ་ནེ། བུད་དྷ་ཀུ་ཤ་ལེ། བི་ཤུད་དྷ་པྲ་བྷཱ་ས། དྷརྨ་ཀ་ར་ཎེ། ནི་རྫ་ཏེ། ནི་ར་བུད་དྷེ། བི་མ་ལེ། བི་ར་ཛེ། རཱ་ཛ་སེ། ར་སཱ་གྲེ། ར་སཱ་གྲ་བ་ལ། ར་སཱ་གྲ། ཨ་དྷིཥྛི་ཏེ། ཀུ་ལེ་པྲ་ཏི་ཀུ་ལེ། བི་ཀུ་ལེ། དནྟེ་སུ་དནྟ་ཙིཏྟེ། སུ་པྲ་ཤཱནྟ་ཙིཏྟེ། སུ་པྲ་ཏིཥྛི་ཏེ། སུ་ལེ་སུ་མུ་ཁཱི། དྷརྨེ་ཙ་དྷརྨེ། བ་ལེ་ཙ་བ་ལེ། ཨ་ནུ་ཤ་ཨ་བ་ལེ། བུད་དྷ་ཨཱ་ཀཱ་ཤ་གུ་ཎེ། བུད་དྷ་ཨཱ་ཀཱ་ཤ་ནི་ར་གུ་ཎེ། ཨ་མྲྀ་ཏ་དུན་དུ་བྷིཿསྭ་རེ་སྭཱ་ཧཱ། དགེ་སློང་དག་དད་པའི་རིགས་ཀྱི་བུའམ།



The English translation of this folio by 84000 - Translating the words of the Buddha can be found at:
https://read.84000.co/translation/toh676.html?part=UT22084-091-074-117#UT22084-091-074-117