Degé Kangyur volume 1, F.53.a

པར་བགྱིའོ། །​བར་ཆད་མ་བྱུང་ན་བཀྲུའོ། །​བརྐྱང་ངོ་། །​དྲའོ། །​བསྡེབ་བོ། །​གཟུངས་གདབ་བོ། །​དྲུབ་བོ། །​ཁ་བསྒྱུར་རོ། །​ཡང་ན་འདི་ལ་ལྷན་ཐབས་སུ་གླན་ནོ། །​རྐྱེན་ཇི་ལྟ་བ་བཞིན་དུ་བགྱིས་ཏེ། ཆོས་གོས་འདི་རུང་བ་སྤྱད་པར་འོས་པའོ། །​དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །​སློབ་མས་ལེགས་སོ་ཞེས་བརྗོད་པར་བྱའོ། །​དེའི་འོག་ཏུ་ཆོས་གོས་བླ་གོས་རྒྱུ་བཟུང་ནས་དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བའི་ཆོས་གོས་འདི་བླ་གོས་སུ་བྱིན་གྱིས་བརླབ་བོ། །​འཚལ་ན་སྣམ་ཕྲན་བདུན་པར་བགྱིས་ཏེ། གླེགས་བུ་ཕྱེད་དང་གསུམ་པར་བགྱིའོ། །​བར་ཆད་མ་བྱུང་ན་བཀྲུའོ། །​བརྐྱང་ངོ་། །​དྲའོ། །​བསྡེབ་བོ། །​གཟུངས་གདབ་བོ། །​དྲུབ་བོ། །​ཁ་བསྒྱུར་རོ། །​ཡང་ན་འདི་ལ་ལྷན་ཐབས་སུ་གླན་ནོ། །​རྐྱེན་ཇི་ལྟ་བ་བཞིན་དུ་བགྱིས་ཏེ། ཆོས་གོས་འདི་རུང་བ་སྤྱད་པར་འོས་པའོ། །​དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །​སློབ་མས་ལེགས་སོ་ཞེས་བརྗོད་པར་བྱའོ། །​དེའི་འོག་ཏུ་ཆོས་གོས་མཐང་གོས་རྒྱུ་བཟུང་ནས་དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བའི་ཆོས་གོས་འདི་མཐང་གོས་སུ་བྱིན་གྱིས་བརླབ་བོ། །​འཚལ་ན་སྣམ་ཕྲན་ལྔ་པར་བགྱིས་ཏེ། གླེགས་བུ་ཕྱེད་དང་གཉིས་པར་བགྱིའོ། །​བར་ཆད་མ་བྱུང་ན་བཀྲུའོ། །​བརྐྱང་ངོ་། །​དྲའོ། །​བསྡེབ་བོ། །​གཟུངས་གདབ་བོ། །​དྲུབ་བོ། །​ཁ་བསྒྱུར་རོ། །​ཡང་ན་འདི་ལ་ལྷན་ཐབས་སུ་གླན་ནོ། །​རྐྱེན་ཇི་ལྟ་བ་བཞིན་དུ་བགྱིས་ཏེ། ཆོས་གོས་འདི་རུང་བ་སྤྱད་པར་འོས་པའོ། །​དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །​སློབ་མས་ལེགས་སོ་ཞེས་བརྗོད་པར་བྱའོ། །​དེ་ནི་ཆོས་གོས་མ་དྲས་ཤིང་མ་དྲུབས་པ་གསུམ་བྱིན་གྱིས་བརླབ་པའོ།​། །​།དེའི་འོག་ཏུ་དེའི་ལྷུང་བཟེད་བསྟན་པར་བྱའོ། །​འདི་ལྟར་བསྟན་པར་བྱ་སྟེ། དགེ་སློང་གཅིག་གིས་



The English translation of this folio by 84000 Translating the words of the Buddha can be found at:
https://read.84000.co/translation/toh1-1.html?part=UT22084-001-001-29144#UT22084-001-001-29144