།མྱེའི་ཁམས་ལ་མྱེའི་ཁམས་ཀྱི་མཚན་ཉིད་མྱེད་དོ། །རླུང་གི་ཁམས་ལ་རླུང་གི་ཁམས་ཀྱི་མཚན་ཉིད་མྱེད་དོ། །ནམ་མཁའི་ཁམས་ལ་ནམ་མཁའི་ཁམས་ཀྱི་མཚན་ཉིད་མྱེད་དོ། །རྣམ་པར་ཤེས་པའི་ཁམས་ལ་རྣམ་པར་ཤེས་པའི་ཁམས་ཀྱི་མཚན་ཉིད་མྱེད་དོ། །མ་རིག་པ་ལ་མ་རིག་པའི་མཚན་ཉིད་མེད་དོ། །འདུ་བྱེད་ལ་འདུ་བྱེད་ཀྱི་མཚན་ཉིད་མྱེད་དོ། །རྣམ་པར་ཤེས་པ་ལ་རྣམ་པར་ཤེས་པའི་མཚན་ཉིད་མྱེད་དོ། །མྱིང་དང་གཟུགས་ལ་མྱིང་དང་གཟུགས་ཀྱི་མཚན་ཉིད་མྱེད་དོ། །སྐྱེ་མཆེད་དྲུག་ལ་སྐྱེ་མཆེད་དྲུག་གི་མཚན་ཉིད་མྱེད་དོ། རེག་པ་ལ་རེག་པའི་མཚན་ཉིད་མྱེད་དོ། །ཚོར་བ་ལ་ཚོར་བའི་མཚན་ཉིད་མྱེད་དོ། །སྲེད་པ་ལ་སྲེད་པའི་མཚན་ཉིད་མྱེད་དོ། །ལེན་པ་ལ་ལེན་པའི་མཚན་ཉིད་མྱེད་དོ། །སྲིད་པ་ལ་སྲིད་པའི་མཚན་ཉིད་མྱེད་དོ། །སྐྱེ་བ་ལ་སྐྱེ་བའི་མཚན་ཉིད་མེད་དོ། །རྒ་ཤི་ལ་རྒ་ཤིའི་མཚན་ཉིད་མེད་དོ། །སྦྱིན་པའི་ཕ་རོལད་ཏུ་ཕྱིནད་པ་ལ་སྦྱིན་པའི་ཕ་རོལད་ཏུ་ཕྱིནད་པའི་མཚན་ཉིད་མྱེད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིནད་པ་ལ་ཚུལ་ཁྲིམས་ཀྱི་ཕ་རོལད་ཏུ་ཕྱིན་པའི་མཚན་ཉིད་མྱེད་དོ། །བཟོད་པའི་ཕ་རོལད་ཏུ་ཕྱིན་པ་ལ་བཟོད་པའི་ཕ་རོལ་ཏུ་ཕྱིནད་པའི་མཚན་ཉིད་མྱེད་དོ། །བརྩོན་འགྲུས་ཀྱི་ཕ་རོལད་ཏུ་ཕྱིནད་པ་ལ་བརྩོན་འགྲུས་ཀྱི་ཕ་རོལད་ཏུ་ཕྱིནད་པའི་མཚན་ཉིད་མྱེད་དོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་བསམ་གཏན་གྱི་ཕ་རོལ་ཏུ་ཕྱིནད་པའི་མཚན་ཉིད་མེད་དོ། །ཤེས་རབ་ཀྱི་ཕ་རོལད་ཏུ་ཕྱིནད་པ་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་མཚན་ཉིད་མྱེད་དོ། །ནང་སྟོང་པ་ཉིད་ལ་ནང་སྟོང་པ་ཉིད་ཀྱི་མཚན་ཉིད་མྱེད་དོ། །ཕྱི་སྟོང་པ་ཉིད་ལ་ཕྱི་སྟོང་པ་ཉིད་ཀྱི་མཚན་ཉིད་མྱེད་དོ། །ཕྱི་ནང་སྟོང་པ་ཉིད་ལ་ཕྱི་ནང་སྟོང་པ་ཉིད་ཀྱི་མཚན་ཉིད་མྱེད་དོ། །སྟོང་པ་ཉིད་སྟོང་པ་ཉིད་ལ་སྟོང་པ་ཉིད་སྟོང་པ་ཉིད་ཀྱི་མཚན་ཉིད་མྱེད་དོ། །ཆེན་པོ་སྟོང་པ་ཉིད་ལ་ཆེན་པོ་སྟོང་པ་ཉིད་ཀྱི་མཚན་ཉིད་མྱེད་དོ། །དོན་དམ་པ་སྟོང་པ་ཉིད་ལ་དོན་དམ་པ་སྟོང་པ་ཉིད་ཀྱི་མཚན་ཉིད་མྱེད་དོ།