།མངོན་པར་ཤེས་པ་རྣམས་ཀྱི་རང་བཞིན་ནི་དངོས་པོ་མྱེད་པའོ། །ཏིང་ངེ་འཛིན་རྣམས་ཀྱི་རང་བཞིན་ནི་དངོས་པོ་མྱེད་པའོ། གཟུངས་ཀྱི་སྒོ་རྣམས་ཀྱི་རང་བཞིན་ནི་དངོས་པོ་མྱེད་པའོ། །དེ་བཞིན་གཤེགས་པའི་སྟོབས་རྣམས་ཀྱི་རང་བཞིན་ནི་དངོས་པོ་མྱེད་པའོ། །མྱི་འཇིགས་པ་རྣམས་ཀྱི་རང་བཞིན་ནི་དངོས་པོ་མྱེད་པའོ། །སོ་སོ་ཡང་དག་པར་རིག་པ་རྣམས་ཀྱི་རང་བཞིན་ནི་དངོས་པོ་མྱེད་པའོ། །བྱམས་པ་ཆེན་པོའི་རང་བཞིན་ནི་དངོས་པོ་མྱེད་པའོ། །སྙིང་རྗེ་ཆེན་པོའི་རང་བཞིན་ནི་དངོས་པོ་མྱེད་པའོ། །སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་རང་བཞིན་ནི་དངོས་པོ་མྱེད་པའོ། །རྒྱུན་ཏུ་ཞུགས་པའི་འབྲས་བུའི་རང་བཞིན་ནི་དངོས་པོ་མྱེད་པའོ། །ལན་ཅིག་ཕྱིར་འོང་བའི་འབྲས་བུའི་རང་བཞིན་ནི་དངོས་པོ་མྱེད་པའོ། །ཕྱིར་མྱི་འོང་བའི་འབྲས་བུའི་རང་བཞིན་ནི་དངོས་པོ་མྱེད་པའོ། །དགྲ་བཅོམ་པ་ཉིད་ཀྱི་རང་བཞིན་ནི་དངོས་པོ་མྱེད་པའོ། །རང་བྱང་ཆུབ་ཀྱི་རང་བཞིན་ནི་དངོས་པོ་མྱེད་པའོ། །ལམ་གྱི་རྣམ་པ་ཤེས་པ་ཉིད་ཀྱི་རང་བཞིན་ནི་དངོས་པོ་མྱེད་པའོ། །རྣམ་པ་ཐམས་ཅད་མཁྱེན་པ་ཉིད་ཀྱི་རང་བཞིན་ནི་དངོས་པོ་མྱེད་པའོ། །དེ་བཞིན་ཉིད་ཀྱི་རང་བཞིན་ནི་དངོས་པོ་མྱེད་པའོ། །མ་ནོར་བ་དེ་བཞིན་ཉིད་ཀྱི་རང་བཞིན་ནི་དངོས་པོ་མེད་པའོ། །གཞན་མ་ཡིན་པ་དེ་བཞིན་ཀྱི་རང་བཞིན་ནི་དངོས་པོ་མྱེད་པའོ། །ཆོས་ཉིད་ཀྱི་རང་བཞིན་ནི་དངོས་པོ་མྱེད་པའོ། །ཆོས་ཀྱི་དབྱིངས་ཀྱི་རང་བཞིན་ནི་དངོས་པོ་མྱེད་པའོ། །ཆོས་ཀྱི་གནས་ཉིད་ཀྱི་རང་བཞིན་ནི་དངོས་པོ་མྱེད་པའོ། །ཆོས་སྐྱོན་མྱེད་པ་ཉིད་ཀྱི་རང་བཞིན་ནི་དངོས་པོ་མྱེད་པའོ། །ཡང་དག་པའི་མཐའི་རང་བཞིན་ནི་དངོས་པོ་མྱེད་པའོ། །ཚེ་དང་ལྡན་པ་ཤ་ར་དྭ་ཏིའི་བུ་རྣམ་གྲངས་དེས་ན། འདི་ལྟར་གཟུགས་ལ་གཟུགས་ཀྱི་རང་བཞིན་མྱེད་པ་དང་། ཚོར་བ་ལ་ཚོར་བའི་རང་བཞིན་མྱེད་པ་དང་། འདུ་ཤེས་ལ་འདུ་ཤེས་ཀྱི་རང་བཞིན་མྱེད་པ་དང་། འདུ་བྱེད་ལ་འདུ་བྱེད་ཀྱི་རང་བཞིན་མྱེད་པ་དང་། རྣམ་པར་ཤེས་པ་ལ་རྣམ་པར་ཤེས་པའི་རང་བཞིན་མྱེད་པ་དང་། མྱིག་ལ་མྱིག་གི་རང་བཞིན་མྱེད་པ་དང་།