།སྲེད་པ་འབྱུང་བ་མེད་པ་ལ་གནས་མེད་དོ། །སྲེད་པ་མྱི་དམྱིགས་པ་ལ་གནས་མེད་དོ། །རབ་འབྱོར་ལེན་པ་སྐྱེ་བ་མྱེད་པ་ལ་གནས་མེད་དོ། །ལེན་པ་འགག་པ་མྱེད་པ་ལ་གནས་མྱེད་དོ། །ལེན་པ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །ལེན་པ་མངོན་པར་འདུ་བྱ་བ་མེད་པ་ལ་གནས་མེད་དོ། །ལེན་པ་འབྱུང་བ་མེད་པ་ལ་གནས་མེད་དོ། །ལེན་པ་མི་དམིགས་པ་ལ་གནས་མེད་དོ། །རབ་འབྱོར་སྲིད་པ་སྐྱེ་བ་མེད་པ་ལ་གནས་མེད་དོ། །སྲིད་པ་འགག་པ་མེད་པ་ལ་གནས་མེད་དོ། །སྲིད་པ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །སྲིད་པ་མངོན་པར་འདུ་བྱ་བ་མེད་པ་ལ་གནས་མེད་དོ། །སྲིད་པ་འབྱུང་བ་མེད་པ་ལ་གནས་མེད་དོ། །སྲིད་པ་མི་དམིགས་པ་ལ་གནས་མེད་དོ། །རབ་འབྱོར་སྐྱེ་བ་སྐྱེ་བ་མེད་པ་ལ་གནས་མེད་དོ། །སྐྱེ་བ་འགག་པ་མེད་པ་ལ་གནས་མེད་དོ། །སྐྱེ་བ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །སྐྱེ་བ་མངོན་པར་འདུ་བྱ་བ་མེད་པ་ལ་གནས་མེད་དོ། །སྐྱེ་བ་འབྱུང་བ་མེད་པ་ལ་གནས་མེད་དོ། །སྐྱེ་བ་མི་དམིགས་པ་ལ་གནས་མེད་དོ། །རབ་འབྱོར་རྒ་ཤི་སྐྱེ་བ་མེད་པ་ལ་གནས་མེད་དོ། །རྒ་ཤི་འགག་པ་མེད་པ་ལ་གནས་མེད་དོ། །རྒ་ཤི་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །རྒ་ཤི་མངོན་པར་འདུ་བྱ་བ་མེད་པ་ལ་གནས་མེད་དོ། །རྒ་ཤི་འབྱུང་བ་མེད་པ་ལ་གནས་མེད་དོ། །རྒ་ཤི་མི་དམིགས་པ་ལ་གནས་མེད་དོ། །རབ་འབྱོར་སྦྱིན་པའི་ཕ་རོལ་ཏུ་ཕྱིན་པ་སྐྱེ་བ་མེད་པ་ལ་གནས་མེད་དོ། །སྦྱིན་པའི་ཕ་རོལ་ཏུ་ཕྱིན་པ་འགག་པ་མེད་པ་ལ་གནས་མེད་དོ། །སྦྱིན་པའི་ཕ་རོལ་ཏུ་ཕྱིན་པ་ཀུན་ནས་ཉོན་རྨོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །སྦྱིན་པའི་ཕ་རོལ་ཏུ་ཕྱིན་པ་མངོན་པར་འདུ་བྱ་བ་མེད་པ་ལ་གནས་མེད་དོ། །སྦྱིན་པའི་ཕ་རོལ་ཏུ་ཕྱིན་པ་འབྱུང་བ་མེད་པ་ལ་གནས་མེད་དོ།