།དོན་དམ་པ་སྟོང་པ་ཉིད་ལ་མངོན་པར་ཞེན་ཏོ། །འདུས་བྱས་སྟོང་པ་ཉིད་ལ་མངོན་པར་ཞེན་ཏོ། །འདུས་མ་བྱས་སྟོང་པ་ཉིད་ལ་མངོན་པར་ཞེན་ཏོ། །མཐའ་ལས་འདས་པ་སྟོང་པ་ཉིད་ལ་མངོན་པར་ཞེན་ཏོ། །ཐོག་མ་དང་ཐ་མ་མེད་པ་སྟོང་པ་ཉིད་ལ་མངོན་པར་ཞེན་ཏོ། །དོར་པ་མེད་པ་སྟོང་པ་ཉིད་ལ་མངོན་པར་ཞེན་ཏོ། །རང་བཞིན་སྟོང་པ་ཉིད་ལ་མངོན་པར་ཞེན་ཏོ། །ཆོས་ཐམས་ཅད་སྟོང་པ་ཉིད་ལ་མངོན་པར་ཞེན་ཏོ། །རང་གི་མཚན་ཉིད་སྟོང་པ་ཉིད་ལ་མངོན་པར་ཞེན་ཏོ། མི་དམིགས་པ་སྟོང་པ་ཉིད་ལ་མངོན་པར་ཞེན་ཏོ། །དངོས་པོ་མེད་པ་སྟོང་པ་ཉིད་ལ་མངོན་པར་ཞེན་ཏོ། །ངོ་བོ་ཉིད་སྟོང་པ་ཉིད་ལ་མངོན་པར་ཞེན་ཏོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ལ་མངོན་པར་ཞེན་ཏོ། །དྲན་པ་ཉེ་བར་གཞག་པ་རྣམས་ལ་མངོན་པར་ཞེན་ཏོ། །ཡང་དག་པར་སྤོང་བ་རྣམས་ལ་མངོན་པར་ཞེན་ཏོ། རྫུ་འཕྲུལ་གྱི་རྐང་པ་རྣམས་ལ་མངོན་པར་ཞེན་ཏོ། །དབང་པོ་རྣམས་ལ་མངོན་པར་ཞེན་ཏོ། །སྟོབས་རྣམས་ལ་མངོན་པར་ཞེན་ཏོ། །བྱང་ཆུབ་ཀྱི་ཡན་ལག་རྣམས་ལ་མངོན་པར་ཞེན་ཏོ། །འཕགས་པའི་ལམ་ཡན་ལག་བརྒྱད་པ་ལ་མངོན་པར་ཞེན་ཏོ། །འཕགས་པའི་བདེན་པ་རྣམས་ལ་མངོན་པར་ཞེན་ཏོ། །བསམ་གཏན་རྣམས་ལ་མངོན་པར་ཞེན་ཏོ། །ཚད་མེད་པ་རྣམས་ལ་མངོན་པར་ཞེན་ཏོ། །གཟུགས་མེད་པའི་སྙོམས་པར་འཇུག་པ་རྣམས་ལ་མངོན་པར་ཞེན་ཏོ། །རྣམ་པར་ཐར་པ་རྣམས་ལ་མངོན་པར་ཞེན་ཏོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ལ་མངོན་པར་ཞེན་ཏོ། །རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མྱེད་པ་དང་སྨོན་པ་མྱེད་པ་ལ་མངོན་པར་ཞེན་ཏོ། །མངོན་པར་ཤེས་པ་རྣམས་ལ་མངོན་པར་ཞེན་ཏོ། །ཏིང་ངེ་འཛིན་རྣམས་ལ་མངོན་པར་ཞེན་ཏོ། །གཟུངས་ཀྱི་སྒོ་རྣམས་ལ་མངོན་པར་ཞེན་ཏོ། །དེ་བཞིན་གཤེགས་པའི་སྟོབས་རྣམས་ལ་མངོན་པར་ཞེན་ཏོ། །མི་འཇིགས་པ་རྣམས་ལ་མངོན་པར་ཞེན་ཏོ། །སོ་སོ་ཡང་དག་པར་རིག་པ་རྣམས་ལ་མངོན་པར་ཞེན་ཏོ།