།དེ་ནས་དུས་དེའི་ཚེ་ན་རྨ་བྱའི་བདག་པོ་དེས་གཙུག་ལག་གི་ཚིགས་སུ་བཅད་པ་བརྗོད་པ། ཇི་ལྟར། བཟོད་པས་བརྒྱན་པའི་སྐྱེས་བུ་ལ། །ནོར་གྱིས་བརྒྱན་པས་བསྒྲུན་དུ་མེད། །ནོར་རྣམས་འཕྲོག་པར་བྱེད་ན་ཡང་། །བཟོད་པ་ཉིད་ནི་ནམ་ཡང་མིན། །བཟོད་པ་དང་ལྡན་སྐྱེས་བུ་ལ། །ལུས་ཅན་ཐམས་ཅད་དགའ་བར་འགྱུར། །ཕྱི་ནས་བདེ་ལེགས་ལ་སྦྱོར་རོ། །དེ་ཕྱིར་བཟོད་པ་དཀའ་ཐུབ་མཆོག །བཟོད་དང་ལྡན་པའི་སྐྱེས་བུ་ནི། །ཁྲོ་བའི་སྐྱོན་རྣམས་ཐམས་ཅད་སྤངས། །སྐྱེ་བ་འདི་དང་གཞན་དུ་ཡང་། །དགེ་ལེགས་ལ་ནི་རབ་ཏུ་སྦྱོར། །བཟོད་པའི་ནོར་དང་ཚུལ་ཁྲིམས་ནོར། །ཤེས་རབ་ཀྱང་ནི་ནོར་ཉིད་ཡིན། །ནོར་དེ་རྣམས་ནི་བསྔགས་པ་ཡིན། །དབྱིག་ལ་སོགས་པ་ནམ་ཡང་མིན། །བཟོད་དང་ལྡན་པའི་སྐྱེས་བུ་ནི། །རྟག་ཏུ་དམ་པས་མཆོད་པར་བྱེད། །སྙན་གྲགས་ལ་ཡང་སྦྱོར་བར་འགྱུར། །དེ་ཕྱིར་ཀུན་ནས་བཟོད་པ་མཆོག །ཁྲོ་བའི་དུག་གི་སྨན་མཆོག་ཏུ། །བཟོད་པ་འདི་ནི་འདོད་པ་ཡིན། །ཁྲོ་བ་བཟོད་པས་ངེས་བཅོམ་པ། །སླར་ཡང་སྐྱེ་བར་མི་འགྱུར་རོ། །མུན་པས་རབ་ཏུ་ཟིལ་མནན་པའི། །བྱིས་པ་རྣམས་ལ་ཁྱད་པར་དུ། །བཟོད་པའི་ལམ་ནི་རབ་སྟོན་པའི། །སྒྲོན་མའི་བྱ་བ་བྱེད་པ་ཡིན། །དམ་ཆོས་ནོར་དང་བྲལ་བ་རྣམས། །འགྲོ་བ་ལྔར་ནི་འཁྱམ་པ་ཡིན། །གང་དག་བཟོད་པ་འདི་ཡི་རྫས། །དེ་དག་འཇིག་རྟེན་ནོར་ལྡན་དྲན། །ཁྲོ་བ་ཡི་ནི་མུན་པའི་ཚོགས། །རྒལ་དཀའ་བ་ཡི་འབྲོག་དགོན་པར། །བཟོད་པའི་ལམ་ཟས་ཟ་མཐོང་བ། །ཡིད་ཅན་རྣམས་ནི་ངེས་པར་སྒྲོལ། །དམ་ཆོས་ལམ་ནི་སྟོན་རྣམས་ལ། །སྟེན་པར་བྱེད་པ་བཟོད་པ་མཆོག །ངན་སོང་འཇིགས་པས་འཇིགས་རྣམས་ལ། །འཇིགས་པ་མེད་པ་བཟོད་པར་བརྗོད། །སྡུག་བསྔལ་རྣམ་པར་འཇོམས་པ་དང་། །མི་རྣམས་བདེ་བ་རྟག་ཏུ་འབྱུང་། །རྟག་ཏུ་བདེ་ལེགས་ཀུན་ཐོབ་པ། །བདེ་ལེགས་མིན་སྤངས་བདེ་ལེགས་ཡིན། །དེ་ལ་དམ་པ་རྣམས་རྟག་དགའ། །ཡིད་ཆེས་ཡོན་ཏན་བྱེད་པ་ཡི།