Degé Kangyur volume 68, F.3.a

།སངས་རྒྱས་རྒྱ་མཚོའི་དཔལ་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་གསེར་གྱི་གཟུ་བ་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་མཐའ་ཡས་པའི་ཡོན་ཏན་གྱི་འོད་ཟེར་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་སྨོན་ལམ་ཐམས་ཅད་ལས་འབྱུང་བའི་རིན་པོ་ཆེའི་གཟི་བརྗིད་ཤིན་ཏུ་འཕགས་པའི་རྒྱལ་པོ་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་གྲགས་པའི་སྒྲ་དབྱངས་ཀྱི་རྒྱལ་པོ་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་ཡེ་ཤེས་རྡོ་རྗེའི་རྒྱ་མཚོའི་དབང་པོ་དེ་བཞིན་གཤེགས་པ་ལ་ཕྱག་འཚལ་ལོ། །སངས་རྒྱས་རྣམ་པར་གཟིགས་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་གཙུག་ཏོར་ཅན་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་མ་ལུས་པའི་དབང་པོ་དེ་བཞིན་གཤེགས་པ་ལ་ཕྱག་འཚལ་ལོ། །སངས་རྒྱས་ལོག་པར་དད་སེལ་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་གསེར་ཐུབ་དེ་བཞིན་གཤེགས་པ་ལ་ཕྱག་འཚལ་ལོ། །​སངས་རྒྱས་འོད་སྲུང་དེ་བཞིན་གཤེགས་པ་ལ་ཕྱག་འཚལ་ལོ། །​འདས་པའི་སངས་རྒྱས་ཐམས་ཅད་ལ་ཕྱག་འཚལ་ལོ། །​ད་ལྟར་བཞུགས་པའི་སངས་རྒྱས་ཐམས་ཅད་ལ་ཕྱག་འཚལ་ལོ། །​མ་བྱོན་པའི་སངས་རྒྱས་ཐམས་ཅད་ལ་ཕྱག་འཚལ་ལོ། །​བྱང་ཆུབ་སེམས་དཔའི་དཔལ་རྣམ་པར་སྣང་མཛད་ཆེན་པོ་ཐམས་ཅད་ལ་ཕྱག་འཚལ་ལོ། །​སངས་རྒྱས་ཆོས་ཀྱི་སྐུ་མུ་མེད་པ་ལ་ཕྱག་འཚལ་ལོ། །​འཇིག་རྟེན་གྱི་ཁམས་མཐའ་ཡས་པའི་སྐུ་གཟུགས་ཐམས་ཅད་ལ་ཕྱག་འཚལ་ལོ། །​རིང་བསྲེལ་ཐམས་ཅད་ལ་ཕྱག་འཚལ་ལོ། །​མཆོད་རྟེན་ཐམས་ཅད་ལ་ཕྱག་འཚལ་ལོ། །​དམ་པའི་ཆོས་མདོའི་སྡེ་ལ་ཕྱག་འཚལ་ལོ། །​དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། །​ལུང་དུ་བསྟན་པའི་སྡེ་ལ་ཕྱག་འཚལ་ལོ། །​ཚིགས་སུ་བཅད་པའི་སྡེ་ལ་ཕྱག་འཚལ་ལོ། །​ཆེད་དུ་བརྗོད་པའི་སྡེ་ལ་ཕྱག་འཚལ་ལོ། །​གླེང་གཞིའི་སྡེ་ལ་ཕྱག་འཚལ་ལོ། །​རྟོགས་པ་བརྗོད་པའི་སྡེ་ལ་ཕྱག་འཚལ་ལོ།



The English translation of this folio by 84000 - Translating the words of the Buddha can be found at:
https://read.84000.co/translation/toh267.html?part=UT22084-068-001-191#UT22084-068-001-191