Degé Kangyur volume 61, F.250.a

སྦྱིན་སྲེག་ཏུ་བྱ་བ་དང་། བཀྲ་ཤིས་ཐམས་ཅད་ཀྱི་དཔལ། འོད་ལ་དགའ་བ། སྐལ་བ་དང་ལྡན་པར་འདོད་པ། དྲང་སྲོང་ཐམས་ཅད་དག་པར་བྱེད་པའི་དཔལ། བུད་མེད་ཀྱི་གནས་ཐམས་ཅད་ཀྱི་གཙོ་མོ་དང་། དཔལ་གྱི་མཆོག་མིའམ་ཅི་མོ་ཐམས་ཅད་དང་ལྷ་མ་ཡིན་མོ་ཐམས་ཅད་ཀྱི་དཔལ་གྱི་མཆོག །​ཁ་ན་མ་ཐོ་བ་མེད་པའི་གནས་ན་འདུག་མ། ཡིད་དུ་འོང་མ། སིམ་པར་བྱེད་མ། ཀུ་བེ་རའི་སྙིང་དུ་སྡུག་མ། ཆོས་ཀྱི་རྒྱལ་པོའི་དཔལ། ཨོཾ་སྡུག་བསྔལ་ཐམས་ཅད་ལས་རྣམ་པར་གཟིགས་ཤིག །​སྒྲོལ་ཅིག་ཐར་བར་མཛོད་ཅིག །​བསོད་ནམས་ཀྱི་ཚོགས་ཐམས་ཅད་བདག་ལ་མངོན་དུ་གྱུར་པར་མཛོད་ཅིག་སྭཱ་ཧཱ། ཨོཾ་གཾ་ག་སརྦ་ཏིརྠ་མུ་ཁི་སྭཱ་ཧཱ། ཨོཾ་སརྦ་བི་ཏྲི་སྭཱ་ཧཱ། ཨོཾ་སརྦ་མཾ་ག་ལ་དྷཱ་ར་ཎཻ་སྭཱ་ཧཱ། ཙ་ཏུརྦེ་ད་སརྦ་ན་ཀྵ་ཏྲ་གྲ་ཧཱ་བ་ཎ་ག་ཎ་ཨ་དྷི་མཱུ་རྟྱཻ་སྭཱ་ཧཱ། བྲཧྨཱ་ཡ་སྭཱ་ཧཱ། བིཥྞ་བེ་སྭཱ་ཧཱ། རུ་དྲཱ་ཡ་སྭཱ་ཧཱ། བི་ཤྭ་མུ་ཁཱ་ཡ་སྭཱ་ཧཱ། ཨོཾ་གླི་ནི་ཀླི་ནི་སརྦ་ཀཱརྱ་སཱ་དྷ་ནི། ས་ནི་ས་ནི། ཨཱ་བ་ཧ་དེ་བི་ཤྲཱི། བཻ་ཤྲ་བ་ཎཱ་ཡ་སྭཱ་ཧཱ། སུ་བརྞ་དྷ་ན་དྷ་ནྱ། ཨཱ་ཀརྵ་ཎྱཻ་སྭཱ་ཧཱ། སརྦ་པཱུརྞ་ཨཱ་ཀརྵ་ཎྱཻ་སྭཱ་ཧཱ། ཤྲཱི་ཧེ་མ་བ་ཏཱི་ཨཱ་ཀརྵ་ཎྱཻ་སྭཱ་ཧཱ། སརྦ་པཱ་པ་ནཱ་ཤ་ནྱཻ་སྭཱ་ཧཱ། སརྦ་ཨ་ཀཱ་ལ་མྲྀ་ཏྱུ་པྲ་ཤ་མ་ནྱཻ་སྭཱ་ཧཱ། སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏཱ་ཡཻ་སྭཱ་ཧཱ། སརྦ་དེ་བ་ཏ་ཨ་བྷི་མུ་ཁ་ཤྲཱི་ཡཻ་སྭཱ་ཧཱ། ཨཱ་ཡུརྦ་ལ་བརྡྷ་ཀ་རཱ་ཡཻ་སྭཱ་ཧཱ། སརྦ་བི་དྭ་མཾ་ག་ལ་ཧ་སྟཱ་ཡཻ་སྭཱ་ཧཱ། སཾ་ཧཾ་བ་ཧི་ནཱ་ཡཻ་སྭཱ་ཧཱ། པདྨ་སམྦྷདྷཱ་ཡཻ་སྭཱ་ཧཱ། སརྦ་ཀྲྀ་ཏྱ་ཀ་ཁོརྡ་བི་ནཱ་ཤ་ནྱཻ་སྭཱ་ཧཱ། འཇིགས་པ་མེད་པ་སྤྱན་རས་གཟིགས་དབང་ཕྱུག་གང་ལ་ལ་ལྷ་མོ་ཆེན་མོ་དཔལ་གྱི་མིང་ཉེས་སྡིག་ཐམས་ཅད་མེད་པར་བྱེད་པ། སྡིག་པ་ཐམས་ཅད་འཇོམས་པར་བྱེད་པ། བསོད་ནམས་ཐམས་ཅད་སྡུད་པར་བྱེད་པ། བཀྲ་མི་ཤིས་པ་ཐམས་ཅད་མེད་པར་བྱེད་པ། དཔལ་དང་། བདེ་བ་དང་། སྐལ་བ་བཟང་པོ་ཐམས་ཅད་སྡུད་པར་བྱེད་པ་འདི་དག་དང་། དེ་བཞིན་གཤེགས་པའི་མཚན་འདི་དག་འཆང་བ་དང་། ཀློག་པར་བྱེད་པ་དེས་ནང་པར་ལངས་ཏེ་གཙང་མར་བྱས་ལ། སངས་རྒྱས་ཐམས་ཅད་ལ་མེ་ཏོག་དང་བདུག་པ་གསོལ་ནས་ལྷ་མོ་ཆེན་མོ་དཔལ་ལ་ཡང་ཙན་དན་གྱི་བདུག་པ་ཕུལ་ཏེ།



The English translation of this folio by 84000 - Translating the words of the Buddha can be found at:
https://read.84000.co/translation/toh193.html?part=UT22084-061-013-318#UT22084-061-013-318