དཔུང་བཟང་གིས་ཞུས་པའི་རྒྱུད།

The Tantra of Subāhu’s Questions

Subāhu­paripṛcchā­tantra

Degé Kangyur volume 96, F.128.b

སུ། ཕྱིར་ཞིང་བྱང་ཆུབ་སེམས་ཀྱང་དྲན་བྱས་ཏེ། །​སེམས་ཅན་སྐྱེ་རྒ་ན་བས་གཟིར་བ་ལ། །​ཅི་ལྟར་རིགས་པར་སྙིང་རྗེའང་བསྒོམ་པར་བྱ། །​འདུས་ཆེན་མདོ་སྡེ་བཀླག་པའམ་བཀྲ་ཤིས་ཀྱི། །​ཚིགས་སུ་བཅད་པའམ་ཆོས་ཀྱི་འཁོར་ལོ་མཆོག །​དེ་བཞིན་གཤེགས་པའི་གསག་པའམ་སྒྲོན་མཆེ། །​ངང་ཡང་རུང་བ་གཅིག་ནི་རིམ་བཞིན་བཀླག །​དེ་ནས་བླ་འོག་ཕྱོགས་རྣམས་བཅིངས་ནས་སུ། །​ལུས་ལ་གོ་ཆ་བགོ་བར་བྱས་ནས་ནི། །​གོང་དུ་སྨོས་པའི་དཀྱིལ་འཁོར་དེ་རྣམས་ལས། །​གཅིག་ཅིག་ཚོན་རྩི་རྣམས་ཀྱིས་བྲི་བར་བྱ། །​རྡོ་རྗེ་མེ་ཆུ་རླུང་དང་མདུང་ཐུང་དག །​རིམ་བཞིན་དཀྱིལ་འཁོར་འདིར་ནི་བྲི་བར་བྱ། །​ར་བར་བྲིས་བས་ལྷ་དང་ལྷ་མིན་དང་། སྡང་བའི་བདག་ཉིད་སེམས་ནི་མྱོས་པར་འགྱུར། །​སེང་གེའི་གདན་གྱིས་མངོན་པར་བསྔགས་པའི་སྟན། །​དེ་ནི་དཀྱིལ་འཁོར་དབུས་སུ་གཞག་པར་བྱ། །​བདག་ཉིད་བསྲུང་བ་བྱས་ཏེ་དེར་འདུག་ནས། །​རྫས་བླངས་མྱུར་དུ་བཟླས་བརྗོད་བྱས་ནས་ནི། །​བདུག་པའི་སྦྱིན་སྲེག་སྟོང་ཡང་སྦྱིན་སྲེག་བྱ། །​དེ་ནས་དེ་ནི་དྲི་ཆུས་བཀྲུས་ནས་སུ། །​བགེགས་མང་རྣམས་ཀྱང་རབ་ཏུ་བསལ་བྱས་ནས། །​བྱང་ཆུབ་ཤིང་ལོ་གསུམ་གྱི་སྟེང་དུ་བཞག །​བཞི་ཡིས་བཀབ་ནས་ཅི་སྲིད་གྲུབ་པ་ནི། །​རྣམ་གསུམ་མཐོང་གི་བར་དུ་གསང་སྔགས་བཟླས། །​དྲོ་དང་དུད་འཐུལ་མེ་བཞིན་འབར་བའམ། །​རིམ་བཞིན་བཟློག་ནས་འབྱུང་ནའང་འགྲུབ་པར་གསུངས། །​དྲོ་བས་འགྲོ་བ་ཐམས་ཅད་དབང་འགྱུར་ཏེ། །​དུ་བ་འཐུལ་བས་ལུས་ནི་མི་སྣང་འགྱུར། །འབར་བས་མཁའ་ལ་ཤིན་ཏུ་འགྲོ་འགྱུར་ཏེ། །​མི་ཡི་ལུས་ནི་ལྷ་ལྟར་གསལ་བར་འགྱུར། །​ཅི་ལྟར་ལུས་ལ་གྲང་བ་འཇུག་པ་དང་། ཅི་ལྟར་མངལ་དུ་དྲི་ཟ་འཇུག་པ་དང་། ཉི་ཟེར་མེ་ཤེལ་ཞུགས་ནས་མེ་འབྱུང་ལྟར། །​དེ་བཞིན་དངོས་གྲུབ་ལུས་ལ་འཇུག་པར་འགྱུར། །​མར་མེ་མཆེད་ཅིང་ཤིན་ཏུ་འབར་བ་དག །​སྣུམ་ཞིང་དཀྱུས་རིག་གསེར་གྱི་མདོག་ལྟར་དང་། འབྲུ་མར་ཟད་ཀྱང་འབར་བར་གྱུར་ན་ནི། །​དེ་ཚེ་སྔགས་པ་དངོས་གྲུབ་ཐོབ་འགྱུར་ཏེ། །​དེ་དག་རྫས་ལས་བྱུང་བའི་དངོས་གྲུབ་བོ། །​མིས་ནི་རི་མོའི་སྐུ་གཟུགས་འགུལ་བའམ། །​ཕྲེང་བ་སྨིན་མ་མིག་དང་རྔ་ཡབ་

eKangyur, UT4CZ5369-I1KG9222-0000, page 256 (128b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh805.html?part=UT22084-096-054-1042#UT22084-096-054-1042