ཆུའི་ཁམས་མ་ཡིན་པ་གཞན་ཡང་བྱང་ཆུབ་སེམས་དཔའ་མ་ཡིན། ཆུའི་ཁམས་ལ་ཡང་བྱང་ཆུབ་སེམས་དཔའ་ཡོད་པ་མ་ཡིན། བྱང་ཆུབ་སེམས་དཔའ་ལ་ཡང་ཆུའི་ཁམས་ཡོད་པ་མ་ཡིན། ཆུའི་ཁམས་མེད་པ་ཡང་བྱང་ཆུབ་སེམས་དཔའ་མ་ཡིན། །མེའི་ཁམས་ཀྱང་བྱང་ཆུབ་སེམས་དཔའ་མ་ཡིན། མེའི་ཁམས་མ་ཡིན་པ་གཞན་ཡང་བྱང་ཆུབ་སེམས་དཔའ་མ་ཡིན། མེའི་ཁམས་ལ་ཡང་བྱང་ཆུབ་སེམས་དཔའ་ཡོད་པ་མ་ཡིན། བྱང་ཆུབ་སེམས་དཔའ་ལ་ཡང་མེའི་ཁམས་ཡོད་པ་མ་ཡིན། མེའི་ཁམས་མེད་པ་ཡང་བྱང་ཆུབ་སེམས་དཔའ་མ་ཡིན། །རླུང་གི་ཁམས་ཀྱང་བྱང་ཆུབ་སེམས་དཔའ་མ་ཡིན། རླུང་གི་ཁམས་མ་ཡིན་པ་གཞན་ཡང་བྱང་ཆུབ་སེམས་དཔའ་མ་ཡིན། རླུང་གི་ཁམས་ལ་ཡང་བྱང་ཆུབ་སེམས་དཔའ་ཡོད་པ་མ་ཡིན། བྱང་ཆུབ་སེམས་དཔའ་ལ་ཡང་རླུང་གི་ཁམས་ཡོད་པ་མ་ཡིན། རླུང་གི་ཁམས་མེད་པ་ཡང་བྱང་ཆུབ་སེམས་དཔའ་མ་ཡིན། །ནམ་མཁའི་ཁམས་ཀྱང་བྱང་ཆུབ་སེམས་དཔའ་མ་ཡིན། ནམ་མཁའི་ཁམས་མ་ཡིན་པ་གཞན་ཡང་བྱང་ཆུབ་སེམས་དཔའ་མ་ཡིན། ནམ་མཁའི་ཁམས་ལ་ཡང་བྱང་ཆུབ་སེམས་དཔའ་ཡོད་པ་མ་ཡིན། བྱང་ཆུབ་སེམས་དཔའ་ལ་ཡང་ནམ་མཁའི་ཁམས་ཡོད་པ་མ་ཡིན། ནམ་མཁའི་ཁམས་མེད་པ་ཡང་བྱང་ཆུབ་སེམས་དཔའ་མ་ཡིན། །རྣམ་པར་ཤེས་པའི་ཁམས་ཀྱང་བྱང་ཆུབ་སེམས་དཔའ་མ་ཡིན། རྣམ་པར་ཤེས་པའི་ཁམས་མ་ཡིན་པ་གཞན་ཡང་བྱང་ཆུབ་སེམས་དཔའ་མ་ཡིན། རྣམ་པར་ཤེས་པའི་ཁམས་ལ་ཡང་བྱང་ཆུབ་སེམས་དཔའ་ཡོད་པ་མ་ཡིན། བྱང་ཆུབ་སེམས་དཔའ་ལ་ཡང་རྣམ་པར་ཤེས་པའི་ཁམས་ཡོད་པ་མ་ཡིན། རྣམ་པར་ཤེས་པའི་ཁམས་མེད་པ་ཡང་བྱང་ཆུབ་སེམས་དཔའ་མ་ཡིན། །མ་རིག་པ་ཡང་བྱང་ཆུབ་སེམས་དཔའ་མ་ཡིན། མ་རིག་པ་མ་ཡིན་པ་གཞན་ཡང་བྱང་ཆུབ་སེམས་དཔའ་མ་ཡིན། མ་རིག་པ་ལ་ཡང་བྱང་ཆུབ་སེམས་དཔའ་ཡོད་པ་མ་ཡིན། བྱང་ཆུབ་སེམས་དཔའ་ལ་ཡང་མ་རིག་པ་ཡོད་པ་མ་ཡིན། མ་རིག་པ་མེད་པ་ཡང་བྱང་ཆུབ་སེམས་དཔའ་མ་ཡིན།