།འགྲིབ་པ་གང་ཡིན་པ་དང་། ལམ་གྱི་རྣམ་པ་ཤེས་པ་ཉིད་གང་ཡིན་པ་དང་། གཉིས་སུ་བྱར་མྱེད་པ་གང་ཡིན་པ་དང་། འགྲིབ་པ་གང་ཡིན་པ་དང་། རྣམ་པ་ཐམས་ཅད་མཁྱེན་པ་ཉིད་གང་ཡིན་པ་དང་། གཉིས་སུ་བྱར་མྱེད་པ་གང་ཡིན་པའི་ཆོས་དེ་དག་ཐམས་ཅད་ཀྱང་ལྡན་པ་ཡང་མ་ཡིན་མྱི་ལྡན་པ་ཡང་མ་ཡིན། གཟུགས་མེད་པ་བལྟར་མྱེད་པ་ཐོགས་པ་མྱེད་པ་སྟེ། འདི་ལྟར་མཚན་ཉིད་མྱེད་པར་མཚན་ཉིད་གཅིག་པའོ། །ཚེ་དང་ལྡན་པ་ཤ་ར་དྭ་ཏིའི་བུ། རྣམ་གྲངས་དེས་ན། གཟུགས་ཀྱི་འགྲིབ་པ་གང་ཡིན་པ་དེ་ཡང་གཟུགས་མ་ཡིན། ཚོར་བའི་འགྲིབ་པ་གང་ཡིན་པ་དེ་ཡང་ཚོར་བ་མ་ཡིན། འདུ་ཤེས་ཀྱི་འགྲིབ་པ་གང་ཡིན་པ་དེ་ཡང་འདུ་ཤེས་མ་ཡིན། འདུ་བྱེད་ཀྱི་འགྲིབ་པ་གང་ཡིན་པ་དེ་ཡང་འདུ་བྱེད་མ་ཡིན། རྣམ་པར་ཤེས་པའི་འགྲིབ་པ་གང་ཡིན་པ་དེ་ཡང་རྣམ་པར་ཤེས་པ་མ་ཡིན། མྱིག་གི་འགྲིབ་པ་གང་ཡིན་པ་དེ་ཡང་མྱིག་མ་ཡིན། རྣ་བའི་འགྲིབ་པ་གང་ཡིན་པ་དེ་ཡང་རྣ་བ་མ་ཡིན། སྣའི་འགྲིབ་པ་གང་ཡིན་པ་དེ་ཡང་སྣ་མ་ཡིན། ལྕེའི་འགྲིབ་པ་གང་ཡིན་པ་དེ་ཡང་ལྕེ་མ་ཡིན། ལུས་ཀྱི་འགྲིབ་པ་གང་ཡིན་པ་དེ་ཡང་ལུས་མ་ཡིན། ཡིད་ཀྱི་འགྲིབ་པ་གང་ཡིན་པ་དེ་ཡང་ཡིད་མ་ཡིན། གཟུགས་ཀྱི་འགྲིབ་པ་གང་ཡིན་པ་དེ་ཡང་གཟུགས་མ་ཡིན། སྒྲའི་འགྲིབ་པ་གང་ཡིན་པ་དེ་ཡང་སྒྲ་མ་ཡིན། དྲིའི་འགྲིབ་པ་གང་ཡིན་པ་དེ་ཡང་དྲི་མ་ཡིན། རོའི་འགྲིབ་པ་གང་ཡིན་པ་དེ་ཡང་རོ་མ་ཡིན། རེག་གི་འགྲིབ་པ་གང་ཡིན་པ་དེ་ཡང་རེག་མ་ཡིན། ཆོས་ཀྱི་འགྲིབ་པ་གང་ཡིན་པ་དེ་ཡང་ཆོས་མ་ཡིན། མྱིག་གི་རྣམ་པར་ཤེས་པའི་འགྲིབ་པ་གང་ཡིན་པ་དེ་ཡང་མྱིག་གི་རྣམ་པར་ཤེས་པ་མ་ཡིན། རྣ་བའི་རྣམ་པར་ཤེས་པའི་འགྲིབ་པ་གང་ཡིན་པ་དེ་ཡང་རྣ་བའི་རྣམ་པར་ཤེས་པ་མ་ཡིན། སྣའི་རྣམ་པར་ཤེས་པའི་འགྲིབ་པ་གང་ཡིན་པ་དེ་ཡང་སྣའི་རྣམ་པར་ཤེས་པ་མ་ཡིན། ལྕེའི་རྣམ་པར་ཤེས་པའི་འགྲིབ་པ་གང་ཡིན་པ་དེ་ཡང་ལྕེའི་རྣམ་པར་ཤེས་པ་མ་ཡིན། ལུས་ཀྱི་རྣམ་པར་ཤེས་པའི་འགྲིབ་པ་གང་ཡིན་པ་དེ་ཡང་ལུས་ཀྱི་རྣམ་པར་ཤེས་པ་མ་ཡིན།