བྱང་ཆུབ་ཀྱི་ཡན་ལག་རྣམས་ཤིན་ཏུ་མེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། འཕགས་པའི་ལམ་ཡན་ལག་བརྒྱད་པ་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། འཕགས་པའི་བདེན་པ་རྣམས་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། བསམ་གཏན་རྣམས་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། ཚད་མྱེད་པ་རྣམས་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། གཟུགས་མྱེད་པའི་སྙོམས་པར་འཇུག་པ་རྣམས་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། རྣམ་པར་ཐར་པ་བརྒྱད་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། མཐར་ཀྱིས་གནས་པའི་སྙོམས་པར་འཇུག་པ་དགུ་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མེད་པ་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། མངོན་པར་ཤེས་པ་རྣམས་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། ཏིང་ངེ་འཛིན་རྣམས་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། གཟུངས་ཀྱི་སྒོ་རྣམས་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། དེ་བཞིན་གཤེགས་པའི་སྟོབས་བཅུ་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། མྱི་འཇིགས་པ་བཞི་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། སོ་སོ་ཡང་དག་པར་རིག་པ་བཞི་ཤིན་ཏུ་མྱེད་ཅིང་མྱི་དམྱིགས་ན། དེ་དག་མངོན་པར་འགྲུབ་པར་འགྱུར་བ་ལྟ་ག་ལ་ཡོད། བྱམས་པ་ཆེན་པོ་ཤིན་ཏུ་མྱེད་ཅིང་མྱི་དམྱིགས་ན། དེ་མངོན་པར་འགྲུབ་པར་འགྱུར་བ་ལྟ་ག་ལ་ཡོད།