ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines

Śata­sāhasrikā­prajñā­pāramitā

Degé Kangyur volume 17, F.68.a

བརྒྱད་པའི་ས་དང་མཐོང་བའི་ས་དང་བསྲབས་པའི་ས་ལ་མྱེད་ཅིང་མྱི་དམྱིགས་སོ། །​སོ་སོའི་སྐྱེ་བོའི་ས་དང་། རིགས་ཀྱི་ས་དང་། བརྒྱད་པའི་ས་དང་མཐོང་བའི་ས་དང་། བསྲབས་པའི་ས་དང་འདོད་ཆགས་དང་བྲལ་བའི་ས་ནི། བྱས་པ་རྟོགས་པའི་ས་ལ་མྱེད་ཅིང་མྱི་དམྱིགས་སོ། །​བྱས་པ་རྟོགས་པའི་ས་ནི་བྱས་པ་རྟོགས་པའི་ས་ལ་མྱེད་ཅིང་མྱི་དམྱིགས་སོ། །​བྱས་པ་རྟོགས་པའི་ས་ནི་སོ་སོའི་སྐྱེ་བོའི་ས་དང་། རིགས་ཀྱི་ས་དང་བརྒྱད་པའི་ས་དང་མཐོང་བའི་ས་དང་བསྲབས་པའི་ས་དང་། འདོད་ཆགས་དང་བྲལ་བའི་ས་ལ་མྱེད་ཅིང་མྱི་དམྱིགས་སོ། །​སོ་སོའི་སྐྱེ་བོའི་ས་དང་རིགས་ཀྱི་ས་དང་། བརྒྱད་པའི་ས་དང་མཐོང་བའི་ས་དང་། བསྲབས་པའི་ས་དང་འདོད་ཆགས་དང་བྲལ་བའི་ས་དང་། བྱས་པ་རྟོགས་པའི་ས་ནི། རང་སངས་རྒྱས་ཀྱི་ས་ལ་མྱེད་ཅིང་མྱི་དམྱིགས་སོ། །​རང་སངས་རྒྱས་ཀྱི་ས་ནི་རང་སངས་རྒྱས་ཀྱི་ས་ལ་མྱེད་ཅིང་མྱི་དམྱིགས་སོ། །​རང་སངས་རྒྱས་ཀྱི་ས་ནི་སོ་སོའི་སྐྱེ་བོའི་ས་དང་། རིགས་ཀྱི་ས་དང་བརྒྱད་པའི་ས་དང་། མཐོང་བའི་ས་དང་བསྲབས་པའི་ས་དང་། འདོད་ཆགས་དང་བྲལ་བའི་ས་དང་། བྱས་པ་རྟོགས་པའི་ས་ལ་མྱེད་ཅིང་མི་དམིགས་སོ། །སོ་སོའི་སྐྱེ་བོའི་ས་དང་རིགས་ཀྱི་ས་དང་། བརྒྱད་པའི་ས་དང་མཐོང་བའི་ས་དང་། བསྲབས་པའི་ས་དང་འདོད་ཆགས་དང་བྲལ་བའི་ས་དང་། བྱས་པ་རྟོགས་པའི་ས་དང་། རང་སངས་རྒྱས་ཀྱིས་ནི། བྱང་ཆུབ་སེམས་དཔའི་ས་ལ་མྱེད་ཅིང་མྱི་དམིགས་སོ། །​བྱང་ཆུབ་སེམས་དཔའི་ས་ནི་བྱང་ཆུབ་སེམས་དཔའི་ས་ལ་མྱེད་ཅིང་མི་དམྱིགས་སོ། །​བྱང་ཆུབ་སེམས་དཔའི་ས་ནི་སོ་སོའི་སྐྱེ་བོའི་ས་དང་། རིགས་ཀྱི་ས་དང་བརྒྱད་པའི་ས་དང་། མཐོང་བའི་ས་དང་བསྲབས་པའི་ས་དང་། འདོད་ཆགས་དང་བྲལ་བའི་ས་དང་། བྱས་པ་རྟོགས་པའི་ས་དང་། རང་སངས་རྒྱས་ཀྱི་ས་ལ་མེད་ཅིང་མི་དམིགས་སོ། །​སོ་སོའི་སྐྱེ་བོའི་ས་དང་རིགས་ཀྱི་ས་དང་། བརྒྱད་པའི་ས་དང་མཐོང་བའི་ས་དང་། བསྲབས་པའི་ས་དང་། འདོད་ཆགས་དང་བྲལ་བའི་ས་དང་། བྱས་པ་རྟོགས་པའི་ས་དང་རང་སངས་རྒྱས་ཀྱི་ས་དང་། བྱང་ཆུབ་སེམས་དཔའི་

eKangyur, UT4CZ5369-I1KG9143-0000, page 135 (68a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8.html?part=UT22084-014-001-10362#UT22084-014-001-10362