དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱི་གོ་ཆ་བགོས། དྲན་པ་ཉེ་བར་གཞག་པའི་གོ་ཆ་བགོས། ཡང་དག་པར་སྤོང་བའི་གོ་ཆ་བགོས། རྫུ་འཕྲུལ་གྱི་རྐང་པའི་གོ་ཆ་བགོས། དབང་པོའི་གོ་ཆ་བགོས། སྟོབས་ཀྱི་གོ་ཆ་བགོས། བྱང་ཆུབ་ཀྱི་ཡན་ལག་གི་གོ་ཆ་བགོས། ལམ་གྱི་གོ་ཆ་བགོས། འཕགས་པའི་བདེན་པའི་གོ་ཆ་བགོས། བསམ་གཏན་གྱི་གོ་ཆ་བགོས། ཚད་མྱེད་པའི་གོ་ཆ་བགོས། གཟུགས་མྱེད་པའི་སྙོམས་པར་འཇུག་པའི་གོ་ཆ་བགོས། རྣམ་པར་ཐར་པའི་གོ་ཆ་བགོས། མཐར་ཀྱིས་གནས་པའི་སྙོམས་པར་འཇུག་པའི་གོ་ཆ་བགོས། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པའི་གོ་ཆ་བགོས། མངོན་པར་ཤེས་པའི་གོ་ཆ་བགོས། ཏིང་ངེ་འཛིན་གྱི་གོ་ཆ་བགོས། གཟུངས་ཀྱི་སྒོའི་གོ་ཆ་བགོས། དེ་བཞིན་གཤེགས་པའི་སྟོབས་ཀྱི་གོ་ཆ་བགོས། མྱི་འཇིགས་པའི་གོ་ཆ་བགོས། སོ་སོ་ཡང་དག་པར་རིག་པའི་གོ་ཆ་བགོས། སྙིང་རྗེ་ཆེན་པོའི་གོ་ཆ་བགོས། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཀྱི་གོ་ཆ་བགོས། རྣམ་པ་ཐམས་ཅད་མཁྱེན་པ་ཉིད་ཀྱི་གོ་ཆ་བགོས། སངས་རྒྱས་ཀྱི་སྐུའི་གོ་ཆ་བགོས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བས་རྒྱས་པར་བཀང་སྟེ། ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་སྣང་བས་རྒྱས་པར་འགེངས་སོ། །ལྷོ་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་སྣང་བས་རྒྱས་པར་འགེངས་སོ། །ནུབ་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་སྣང་བས་རྒྱས་པར་འགེངས་སོ། །བྱང་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་སྣང་བས་རྒྱས་པར་འགེངས་སོ། །བྱང་ཤར་གྱི་ཕྱོགས་མཚམས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་སྣང་བས་རྒྱས་པར་འགེངས་སོ། །ཤར་ལྷོའི་ཕྱོགས་མཚམས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་སྣང་བས་རྒྱས་པར་འགེངས་སོ། །