།ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་མངོན་པར་འདུ་བྱ་བ་མེད་པ་ལ་གནས་མེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་འབྱུང་བ་མེད་པ་ལ་གནས་མེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་མི་དམིགས་པ་ལ་གནས་མེད་དོ། །རབ་འབྱོར་སའི་ཁམས་སྐྱེ་བ་མེད་པ་ལ་གནས་མེད་དོ། །སའི་ཁམས་འགག་པ་མེད་པ་ལ་གནས་མེད་དོ། །སའི་ཁམས་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །སའི་ཁམས་མངོན་པར་འདུ་བྱ་བ་མེད་པ་ལ་གནས་མེད་དོ། །སའི་ཁམས་འབྱུང་བ་མེད་པ་ལ་གནས་མེད་དོ། །སའི་ཁམས་མི་དམིགས་པ་ལ་གནས་མེད་དོ། །རབ་འབྱོར་ཆུའི་ཁམས་སྐྱེ་བ་མེད་པ་ལ་གནས་མེད་དོ། །ཆུའི་ཁམས་འགག་པ་མེད་པ་ལ་གནས་མེད་དོ། །ཆུའི་ཁམས་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །ཆུའི་ཁམས་མངོན་པར་འདུ་བྱ་བ་མེད་པ་ལ་གནས་མེད་དོ། །ཆུའི་ཁམས་འབྱུང་བ་མེད་པ་ལ་གནས་མེད་དོ། །ཆུའི་ཁམས་མི་དམིགས་པ་ལ་གནས་མེད་དོ། །རབ་འབྱོར་མེའི་ཁམས་སྐྱེ་བ་མེད་པ་ལ་གནས་མེད་དོ། །མེའི་ཁམས་འགག་པ་མེད་པ་ལ་གནས་མེད་དོ། །མེའི་ཁམས་ཀུན་ནས་ཉོན་རྨོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །མེའི་ཁམས་མངོན་པར་འདུ་བྱ་བ་མེད་པ་ལ་གནས་མེད་དོ། །མེའི་ཁམས་འབྱུང་བ་མེད་པ་ལ་གནས་མེད་དོ། །མེའི་ཁམས་མི་དམིགས་པ་ལ་གནས་མེད་དོ། །རབ་འབྱོར་རླུང་གི་ཁམས་སྐྱེ་བ་མེད་པ་ལ་གནས་མེད་དོ། །རླུང་གི་ཁམས་འགག་པ་མེད་པ་ལ་གནས་མེད་དོ། །རླུང་གི་ཁམས་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གནས་མེད་དོ། །རླུང་གི་ཁམས་མངོན་པར་འདུ་བྱ་བ་མེད་པ་ལ་གནས་མེད་དོ། །རླུང་གི་ཁམས་འབྱུང་བ་མེད་པ་ལ་གནས་མེད་དོ། །རླུང་གི་ཁམས་མི་དམིགས་པ་ལ་གནས་མེད་དོ། །རབ་འབྱོར་ནམ་མཁའི་ཁམས་སྐྱེ་བ་མེད་པ་ལ་གནས་མེད་དོ།