སྲེད་པ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་སྲེད་པ། སྲེད་པ་ཉིད་ཀྱང་སྟོང་པ་ཉིད་དོ། །ལེན་པའི་སྟོང་པ་ཉིད་གང་ཡིན་པ་དེ་ཡང་ལེན་པ་མ་ཡིན། སྟོང་པ་ཉིད་ལས་གུད་ན་ཡང་ལེན་པ་མེད། ལེན་པ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་ལེན་པ། ལེན་པ་ཉིད་ཀྱང་སྟོང་པ་ཉིད་དོ། །སྲིད་པའི་སྟོང་པ་ཉིད་གང་ཡིན་པ་དེ་ཡང་སྲིད་པ་མ་ཡིན། སྟོང་པ་ཉིད་ལས་གུད་ན་ཡང་སྲིད་པ་མེད། སྲིད་པ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་སྲིད་པ། སྲིད་པ་ཉིད་ཀྱང་སྟོང་པ་ཉིད་དོ། །སྐྱེ་བའི་སྟོང་པ་ཉིད་གང་ཡིན་པ་དེ་ཡང་སྐྱེ་བ་མ་ཡིན། སྟོང་པ་ཉིད་ལས་གུད་ན་ཡང་སྐྱེ་བ་མེད། སྐྱེ་བ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་སྐྱེ་བ། སྐྱེ་བ་ཉིད་ཀྱང་སྟོང་པ་ཉིད་དོ། །རྒ་ཤིའི་སྟོང་པ་ཉིད་གང་ཡིན་པ་དེ་ཡང་རྒ་ཤི་མ་ཡིན། སྟོང་པ་ཉིད་ལས་གུད་ན་ཡང་རྒ་ཤི་མེད། རྒ་ཤི་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་རྒ་ཤི། རྒ་ཤི་ཉིད་ཀྱང་སྟོང་པ་ཉིད་དོ། །སྦྱིན་པའི་ཕ་རོལ་ཏུ་ཕྱིན་པའི་སྟོང་པ་ཉིད་གང་ཡིན་པ་དེ་ཡང་སྦྱིན་པའི་ཕ་རོལ་ཏུ་ཕྱིན་པ་མ་ཡིན། སྟོང་པ་ཉིད་ལས་གུད་ན་ཡང་སྦྱིན་པའི་ཕ་རོལ་ཏུ་ཕྱིན་པ་མེད། སྦྱིན་པའི་ཕ་རོལ་ཏུ་ཕྱིན་པ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་སྦྱིན་པའི་ཕ་རོལ་ཏུ་ཕྱིན་པ། སྦྱིན་པའི་ཕ་རོལ་ཏུ་ཕྱིན་པ་ཉིད་ཀྱང་སྟོང་པ་ཉིད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་སྟོང་པ་ཉིད་གང་ཡིན་པ་དེ་ཡང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་ཡིན། སྟོང་པ་ཉིད་ལས་གུད་ན་ཡང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མེད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཉིད་ཀྱང་སྟོང་པ་ཉིད་དོ། །བཟོད་པའི་ཕ་རོལ་ཏུ་ཕྱིན་པའི་སྟོང་པ་ཉིད་གང་ཡིན་པ་དེ་ཡང་བཟོད་པའི་ཕ་རོལ་ཏུ་ཕྱིན་པ་མ་ཡིན། སྟོང་པ་ཉིད་ལས་གུད་ན་ཡང་བཟོད་པའི་ཕ་རོལ་ཏུ་ཕྱིན་པ་མེད། བཟོད་པའི་ཕ་རོལ་ཏུ་ཕྱིན་པ་ལས་གུད་ན་ཡང་སྟོང་པ་ཉིད་མེད་དེ།