Degé Kangyur volume 73, F.1.b

༄༅༅། །​རྒྱ་གར་སྐད་དུ། ཀརྨ་ཤ་ཏ་ཀ། བོད་སྐད་དུ། ལས་བརྒྱ་ཐམ་པ་པ། བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ། །​གང་ལས་འཇིག་རྟེན་བླ་མ་བདེ་གཤེགས་ཐོས་པའི་སྒོ་ནས་རབ་སྙན་བརྟན་པའི་གསུང་ལྡན་གྱིས། །​སེམས་ཅན་རྣམས་ལ་ཕན་པ་འབའ་ཞིག་བཞེད་ཕྱིར་བཤད་པ་རྣམ་པ་སྣ་ཚོགས་རང་ཉིད་ཀྱིས། །ལོག་པར་ལྟ་བའི་མུན་ནག་ཆེན་པོ་ཐིབས་པོར་འཐོམས་ཤིང་འཁྲུགས་པ་རྣམས་ལ་རབ་གསུངས་པ། །​དེ་ཡི་མིང་ནི་ལས་རྣམ་བརྒྱ་པ་ཞེས་བྱ་ཡོངས་སུ་ཚང་བ་བདག་གིས་བཤད་ཀྱིས་ཉོན། །​སྤྱི་སྡོམ་ནི། ཁྱི་མོ་དང་ནི་ཤིང་རྟ་དང་། །​ཀ་ཙང་ཀ་ལ་བྱམས་མི་སྡུག །​བྱ་དང་འཕྱེ་བོ་གང་པོ་དང་། །​བུ་རྣམས་དང་ནི་བརྒྱ་བྱིན་ནོ། །​སྡོམ་ནི། ཁྱི་མོ་མིག་ཆུང་རྫོགས་བྱེད་དང་། །​སྒུར་གཉིས་འཆར་ཀ་རྒྱལ་མཚན་དང་། །​བདེ་བྱེད་མ་དང་ནོར་བུའི་འོད། །​སྣ་མའི་མེ་ཏོག་ང་བྱིན་དང་། །​འདུས་མོ་དང་ནི་ཚེམ་བུ་མཁན། །​ཁྱི་མོ་ཞེས་བྱ་བ་ནི།



The English translation of this folio by 84000 - Translating the words of the Buddha can be found at:
https://read.84000.co/translation/toh340.html?part=UT22084-073-001-6068#UT22084-073-001-6068