འདས་པ་ན་དམན་པ་ལ་བརྟེན་ལ་མ་འོངས་པ་ནི་ཁྱད་པར་ལ་བརྟེན་པར་འགྱུར་བ་ཡང་ཡོད། ད་ལྟར་བྱུང་བ་ན་དམན་པ་ལ་བརྟེན་ལ། མ་འོངས་པ་ན་ཁྱད་པར་ལ་བརྟེན་པར་འགྱུར་བ་ཡང་ཡོད། ད་ལྟར་བྱུང་བ་ན་ཁྱད་པར་ལ་བརྟེན་ལ། མ་འོངས་པ་ན་དམན་པ་ལ་བརྟེན་པར་འགྱུར་བ་ཡང་ཡོད། ད་ལྟར་བྱུང་བ་དང་། མ་འོངས་པ་ན་ཡང་དམན་པ་ལ་བརྟེན་པར་འགྱུར་བ་ཡང་ཡོད། ད་ལྟར་བྱུང་བ་དང་། མ་འོངས་པ་ན་ཡང་ཁྱད་པར་ལ་བརྟེན་པར་འགྱུར་བ་ཡོད། འདས་པ་ན་སྦྱོར་བ་ཆུང་ལ་མ་འོངས་པ་ན་སྦྱོར་བ་རྒྱ་ཆེན་པོར་འགྱུར་བ་དང་། འདས་པ་ན་སྦྱོར་བ་རྒྱ་ཆེ་ལ། མ་འོངས་པ་ན་སྦྱོར་བ་ཆུང་བ་དང་། རྩོམ་པ་ཆུང་ལ་ཁྱད་པར་ཆེན་པོར་འགྱུར་བ་དང་། རྩོམ་པ་ཆེ་ལ་ཁྱད་པར་དུ་ཆུང་བ་དང་། ཉན་ཐོས་སུ་འགྱུར་བའི་རྒྱུ་དང་། རང་སངས་རྒྱས་སུ་འགྱུར་བའི་རྒྱུ་དང་། སངས་རྒྱས་སུ་འགྱུར་བའི་རྒྱུ་དང་། ད་ལྟར་བྱུང་བ་ན་སྡུག་བསྔལ་ལ། མ་འོངས་པ་ན་རྣམ་པར་སྨིན་པ་བདེ་བ་དང་། ད་ལྟར་བྱུང་བ་ན་བདེ་ལ། མ་འོངས་པ་ན་རྣམ་པར་སྨིན་པ་སྡུག་བསྔལ་བ་དང་། ད་ལྟར་བྱུང་བ་ན་སྡུག་བསྔལ་ལ། མ་འོངས་པ་ན་ཡང་རྣམ་པར་སྨིན་པ་སྡུག་བསྔལ་བ་དང་། ད་ལྟར་བྱུང་བ་ན་ཡང་བདེ་ལ། མ་འོངས་པ་ན་ཡང་རྣམ་པར་སྨིན་པ་བདེ་བ་ཡང་ཡོད་དོ། །ད་ལྟར་འདས་པ་དང་། མ་འོངས་པ་དང་། ད་ལྟར་བྱུང་བའི་དུས་རྣམས་ན་སེམས་ཅན་ཐམས་ཅད་ཀྱི་ལས་གང་ཡིན་པ་དང་། རྒྱུ་གང་ཡིན་པ་དང་། རྣམ་པར་སྨིན་པ་གང་ཡིན་པ་རྣམས་དེ་བཞིན་གཤེགས་པས་རབ་ཏུ་མཁྱེན་ཏོ། །འཇིག་རྟེན་གྱི་ཁམས་སྣ་ཚོགས་དང་། འཇིག་རྟེན་གྱི་ཁམས་དུ་མ་ཞེས་བྱ་བ་ནི་ལྷག་པའི་བསམ་པའི་ཁམས་གང་དང་གང་གིས་འཇིག་རྟེན་བསོད་ནམས་མངོན་པར་འདུ་བྱེད་པ་སོགས་པ་དང་། མི་གཡོ་བ་མངོན་པར་འདུ་བྱེད་པ་{སྩོགས་,སོགས་}པ་དང་། སྐྱེ་བ་{སྩོགས་,སོགས་}པ་དང་། འདོད་ཆགས་དང་བྲལ་བ་{སྩོགས་,སོགས་}པ་དང་། ཉོན་མོངས་པ་རྣམས་{སྩོགས་,སོགས་}པ་དང་། ལྟ་བ་རྣམས་{སྩོགས་,སོགས་}པ་དང་། ངེས་པར་འབྱུང་བ་{སྩོགས་,སོགས་}པ་དང་། ཉན་ཐོས་སུ་འགྱུར་བའི་རྒྱུ་{སྩོགས་,སོགས་}པ་དང་། རང་སངས་རྒྱས་སུ་འགྱུར་བའི་རྒྱུ་{སྩོགས་,སོགས་}པ་དང་། སངས་རྒྱས་སུ་འགྱུར་བའི་རྒྱུ་{སྩོགས་,སོགས་}པ་དང་། འབྱུང་བའི་རྒྱུ་{སྩོགས་,སོགས་}པ་དང་།