Degé Kangyur volume 101, F.1.b

༄༅༅། །​སྤྱན་འདྲེན་རྒྱུད་གསུམ་པ། བླ་མའི་བླ་མ་བླ་མེད་དཀོན་མཆོག་གསུམ། །​ཆེ་བའི་ཆེ་མཆོག་དབང་མཆོག་དམ་པ་ལ། །​གུས་པས་ཕྱག་འཚལ་དང་བས་སྐྱབས་སུ་མཆི། །​གནམ་སའི་མངའ་བདག་སྐྱེ་དགུའི་ལོངས་སྤྱོད་གཞི། །​བསྟན་པ་དམ་པ་ཆོས་ཀྱི་མགོན་མཛད་པ། །​ཚངས་པ་བརྒྱ་བྱིན་རྒྱལ་ཆེན་ཡུལ་འཁོར་སྲུང་། །​འཕགས་སྐྱེས་མིག་མི་བཟང་དང་ལུས་ངན་བོ། །​འཇིག་རྟེན་སྐྱོང་བ་དབང་པོ་མེ་ལྷ་དང་། །​གཤིན་རྗེ་བདེན་བྲལ་ཆུ་ལྷ་རླུང་གི་ལྷ། །​རྣམ་ཐོས་བུ་དང་དབང་བདག་ས་ཡི་ལྷ། །​ཉི་ཟླ་གཟའ་སྐར་ཕྱོགས་ཀྱི་གླང་པོ་རྣམས། །​བློན་པོ་སྡེ་དཔོན་ལྷ་མོ་ཕྱོགས་མཚམས་སྲུང་། །​བཙུན་མོ་སྲས་བཅས་སོ་སོའི་འཁོར་ཀུན་དང་། །​ལྷ་ཡི་སྡེ་དཔོན་ཆེན་པོར་མཚན་གྲགས་པ། །ཁྱབ་འཇུག་ཚོགས་བདག་ནནྟི་ཀརྟི་ཀ། །​ནག་པོ་ཆེན་པོ་སྟོབས་ཆེན་སྟོབས་པོ་ཆེ། །​གནོད་འཛིན་པདྨ་པདྨ་ཆེན་པོ་དང་། །​དུང་དང་དུང་ཆེན་གང་པོ་ཤིན་ཏུ་གང་། །​མགྲིན་བཟང་



The English translation of this folio by 84000 Translating the words of the Buddha can be found at:
https://read.84000.co/translation/toh846.html?part=UT22084-100-001-171#UT22084-100-001-171