Degé Kangyur volume 94, F.214.a

རྣམ་པ་ལྔས་བྱུག་པས་བྱུགས་ཏེ། མེའི་ཁང་བུ་དྲི་དང་ལྡན་པའི་ཁང་པར་སྤྲ་ཚིལ་ལས་གཟུགས་བྱས་པ་དང་བཅས་པ་སྔགས་འདིས་བསྲེག་གོ། །​ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བས་བསྲེགས་ན་དབང་དུ་འགྱུར་ཞིང་ཚར་གཅད་པར་ཡང་འགྱུར་རོ། །​སྦྱིན་སྲེག་གི་ལེའུ་སྟེ་བཅུ་བདུན་པའོ།​། །​།དེ་ནས་བཅོམ་ལྡན་འདས་ཀྱིས་འཛུམ་པ་མཛད་དེ། བྱང་ཆུབ་སེམས་དཔའ་འཇམ་དཔལ་གཞོན་ནུ་ལ་འཁོར་ལོའི་རིམ་པ་བཀའ་སྩལ་ཏོ། །​འཁོར་ལོ་ལིང་ཚེ་དགུ་པ་ལ་ཨོཾ་དད་ཧཱ་གཉིས་ཀྱི་དབུས་སུ་ཆེ་གེ་མོ་དང་བཅས་པ་བྲི། རཀྵཿརཀྵཿཞེས་པ་ནི་བསྲུང་བའོ། །​ཕྱོགས་མཚམས་སུ་ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བ་བྲིས་ཏེ་ཀུན་ལ་སྭཱ་ཧཱའི་བར་དུ་བཅུག་པ་གྲོ་ག་ལ་གུར་གུམ་གྱིས་བྲིས་ནས་དཔུང་བ་ལ་བཏགས་ན་བསྲུང་བའི་མཆོག་ཏུ་འགྱུར་རོ། །ཞི་བའི་བསྲུང་བའི་འཁོར་ལོའི་ལེའུ་སྟེ་བཅྭ་བརྒྱད་པའོ།​། །​།དེ་ནས་དབང་གི་བསྲུང་བ་ནི། འཁོར་ལོ་ལིང་ཚེ་དགུ་པ་ལ་ཨོཾ་དང་ཧཱ་གཉིས་ཀྱི་དབུས་སུ་ནི་ཆེ་གེ་མོ་དང་བཅས་པ་བྲི། རཀྵཿརཀྵ་ཞེས་པ་ནི་བསྲུང་བའོ། །​ཕྱོགས་མཚམས་སུ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བ་བྲི་སྟེ་ཀུན་ལ་མུ་དང་མུའི་བར་དུ་ས་བོན་ནོ། །​དེ་གྲོག་དམར་པོ་ལ་རྒྱ་སྐྱེགས་ཀྱི་ཁུ་བས་བྲིས་ཏེ་ལྟེ་བར་མི་མངོན་པར་བཏགས་ན་བསྲུང་བའི་མཆོག་ཏུ་འགྱུར་ཞིང་དབང་དུ་སྡུད་དོ། །​དབང་གི་བསྲུང་བའི་འཁོར་ལོའི་ལེའུ་སྟེ་བཅུ་དགུ་པའོ།​། །​།དེ་ནས་རྒྱས་པའི་བསྲུང་བ་ནི་འཁོར་ལོ་རྩིབས་བརྒྱད་པ་བྱ་སྟེ། ཨོཾ་ཏཱ་རེ་ཏུཏྟཱ་རེ་ཏུ་རེ་བརྒྱད་པོ་དགོད་པར་བྱའོ། །​དབུས་སུ་སྭཱ་ཧཱའི་མཐའ་ཅན་གྱི་མིང་རཀྵཿརགྵཿདང་བཅས་པ་གྲོག་ལ་གུར་གུམ་གྱིས་བྲིས་པ་དཔུང་པའམ། མགུལ་དུ་བཏགས་ན་བསྲུང་བའི་མཆོག་ཏུ་འགྱུར་རོ། །​རྒྱས་པའི་བསྲུང་བའི་འཁོར་ལོའི་ལེའུ་སྟེ་ཉི་ཤུ་པའོ།​། །​།དེ་ནས་བར་ཆད་ཐམས་ཅད་བསྲུང་བའི་འཁོར་ལོ་ནི་མུ་ཁྱུད་གསུམ་ལ་ཐ་མ་ལིང་ཚེ་བརྒྱད་པའོ། །​དབུས་སུ་མིང་གི་མཐའ་ཅན་གྱི་སྭཱ་ཧཱ་རཀྵཿདང་བཅས་པའོ། །​མུ་ཁྱུད་ནང་མ་ལ་ཨུ་ཨུ་ཨུ་ཨུ་ཨུ་ཨུ་ཨུ་ཨུ་ཞེས་བྱ་བ་དགོད་པར་



The English translation of this folio by 84000 Translating the words of the Buddha can be found at:
https://read.84000.co/translation/toh726.html?part=UT22084-094-003-594#UT22084-094-003-594