Degé Kangyur volume 80, F.341.b

དུ་ཟུག་རྔུར་གྱུར་ན་ཉི་མ་གསུམ་ནའོ། །​སུ་ར་བྷེའི་རྣ་བའི་དྲིལ་བུའི་སྒྲ་ཡིས་ཟླ་བ་གསུམ་ནའོ། །​རྣ་བའི་རྩ་བ་དང་། སྨིན་མའི་དབུས་དང་། མགོའི་དང་པོ་རྣམས་སུ་ཟུག་རྔུར་གྱུར་ན་ཉི་མ་གཅིག་ནའོ། །​རྐང་པའི་མཐིལ་ནས་བརྩམས་ནས་ལྟེ་བའི་མཐར་དྲུག་པའི་ཟུག་རྔུས་ཟླ་བ་དྲུག་ནའོ། །​སྣ་རྩེའི་ཤ་ཞུམ་ན་ཞག་བདུན་ནའོ། །​འགྲམ་པའི་ཤའི་མཚམས་བྱེན་ཟླ་བ་ལྡནའོ། །​མིག་འཛག་པ་མ་མཐོང་ན་ཟླ་བ་ལྡནའོ། །​སྣའི་འཁོར་ལོ་ལས་ཞག་བདུན་ནའོ། །​སྙིང་ག་ཞོམ་ན་ཟླ་བ་ཕྱེད་ནའོ། །​ལྕེའི་དཀྱིལ་དུ་རི་མོ་ནག་པོ་བྱུང་ན་ཞག་གཉིས་ནའོ། །​སེན་མོ་ལ་ཁྲག་མ་མཐོང་ན་ཟླ་བ་དྲུག་ནའོ། །​སོ་སྐམས་ན་ཟླ་བ་དྲུག་ནའོ། །​ཨ་རུ་ཎ་མ་མཐོང་ན་ཟླ་བ་དྲུག་ནའོ། །​གྲང་མོ་ལ་སོགས་པའི་དུས་ཕྱིན་ཅི་ལོག་པ་ལས་ཐམས་ཅད་དུ་བུག་པར་མཐོང་ན་ཟླ་བ་ཕྱེད་ནའོ། །​ཧ་ཡིག་བརྗོད་པས་གྲང་བ་དང་། ཕུཿཡིག་བརྗོད་པས་དྲོ་བར་གྱུར་ན་ཉི་མ་བཅུ་ནའོ། །​མིད་མེད་ཀྱི་རྩ་བར་རི་མོ་ནག་པོ་མཐོང་ན་ཉི་མ་བཅོ་བརྒྱད་ནའོ། །​ལུས་མཉེས་པས་སྒྲ་ཐོས་པ་དང་། ལུས་ཐམས་ཅད་ལས་ཀླུ་ཉིད་ཀྱང་ཉི་མ་བཅུ་ཐམ་པ་ནའོ། །​ཁྲུས་བྱས་པ་ཙམ་གྱིས་སྙིང་ག་དང་རྐང་པ་སྒམ་ན། རྟ་དྷི་མ་ནི་ལུས་ལ་དྲི་ངན་པ་བྱུང་ན་ཞག་གསུམ་ནའོ། །​ལུས་སྟཿཉི་མ་གཅིག་ནའོ། །​དྲི་ཆུ་གཡོན་དུ་འཁོར་ན་ཟླ་བ་དྲུག་ནའོ། །​ལྟེ་བ་ཕྱིན་ཅི་ལོག་ན་ཉི་མ་ལྔ་ནའོ། །​སྣའི་རྩེ་མོ་མ་མཐོང་ན་དེ་ཟླ་བ་ལྔ་ནའོ། །​མིག་སོར་མོས་མནན་པས་འོད་མ་མཐོང་ན་ཉི་མ་བརྒྱ་ནའོ། །​རྣ་བའི་དྷནྱ་ཐོས་ན་ལོ་གཅིག་ནའོ། །​ཕ་རོལ་གྱི་མིག་ལ་གཟུགས་བརྙན་མ་མཐོང་ན་ཟླ་བ་ཕྱེད་ནའོ། །​དེ་ཉིད་ཤེས་ཕྱི་རང་ཆིབ་སླུ་དང་། །​འཇིག་རྟེན་ཕ་རོལ་བསམ་པར་བྱ། །​ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་གཏུམ་པོ་ཁྲོ་བོ་ཆེན་པོའི་རྒྱུད་ལས་འཆི་ལྟས་ཀྱི་མཚན་ཉིད་རིམ་པར་ཕྱེ་བ་སྟེ་ཉི་ཤུ་རྩ་གསུམ་པའོ།​། །​།དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཕ་དང་མ་ཡི་མཉམ་སྦྱོར་ལས། །​འབྱུང་ལྔའི་བདག་ཅན་ཟླ་བ་དང་། །​འབྱུང་བ་ལྔ་ཡི་བདག་ཉིད་ཅན། །​ཉི་མའི་སྦྱོར་བ་འཛོམ་པ་ལས། །​དེ་ལ་སེམས་ཅན་སྐྱེ་བར་འགྱུར། །​ཐབས་དང་ཤེས་རབ་བདག་ཉིད་ཅན། །​སླར་ཡང་རུས་ཚིགས་ཟླ་བ་ལས། །​ཉི་མས་ཤ་ལ་སོགས་པར་འགྱུར། །​བདག་ཉིད་སྟོང་པའི་ལུས་གྱུར་ལ། །​སེམས་ཅན་རྣམས་ནི་ལས་ཀྱིས་སྤྲུལ། །​སྒྱུ་མ་ལྟ་བུའི་རང་བཞིན་འདི། །​དྲི་ཟའི་གྲོང་ཁྱེར་ལྟ་བུ་དང་། །​དབང་པོའི་གཞུ་དང་མཚུངས་



The English translation of this folio by 84000 Translating the words of the Buddha can be found at:
https://read.84000.co/translation/toh431.html?part=UT22084-080-015-2653#UT22084-080-015-2653