Degé Kangyur volume 31, F.51.b

རྣམས་ཀྱང་དེ་ལྟ་ལགས་སོ། །​བཙུན་པ་བཅོམ་ལྡན་འདས་གཟུགས་རྣམས་མཚན་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མཚན་མ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། །​བཙུན་པ་བཅོམ་ལྡན་འདས་གཟུགས་རྣམས་སྨོན་པ་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་སྨོན་པ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། །​བཙུན་པ་བཅོམ་ལྡན་འདས་གཟུགས་རྣམས་ཞི་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མ་ཞི་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། །​བཙུན་པ་བཅོམ་ལྡན་འདས་གཟུགས་རྣམས་དབེན་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མི་དབེན་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། །​བཙུན་པ་བཅོམ་ལྡན་འདས་གཟུགས་རྣམས་ཀུན་ནས་ཉོན་མོངས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། །​བཙུན་པ་བཅོམ་ལྡན་འདས་གཟུགས་རྣམས་སྐྱེ་བའི་ཚིག་བླ་དགས་གཏན་མི་དམིགས་ལགས་ན། གཟུགས་རྣམས་འགག་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། །​བཙུན་པ་བཅོམ་ལྡན་འདས་གཟུགས་རྣམས་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་དངོས་པོ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་།



The English translation of this folio by 84000 Translating the words of the Buddha can be found at:
https://read.84000.co/translation/toh11.html?part=UT22084-031-002-4849#UT22084-031-002-4849