Degé Kangyur volume 1, F.131.a

ཐེང་པོ་དག་རབ་ཏུ་འབྱིན་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་ཀྱང་རབ་ཏུ་དབྱུང་བར་མི་བྱའོ། །​སྨད་འཆལ་དང་། ཞར་བ་དང་། ལག་སོར་རྡུམ་པོ་དང་། སྒུར་པོ་དང་། མིའུ་ཐུང་དང་། ལྦ་བ་ཅན་དང་། ལྐུགས་པ་དང་། འོན་པ་དང་། རྟེན་འཕྱེ་དང་། རྐང་འབམ་དག་རབ་ཏུ་འབྱིན་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུ་དག་ཀྱང་རབ་ཏུ་དབྱུང་བར་མི་བྱའོ། །​རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །​དགེ་སློང་དག་བུད་མེད་ཀྱིས་དུབ་པ་དང་། ཁུར་གྱིས་དུབ་པ་དང་། ལམ་གྱིས་དུབ་པ་དང་། ཡ་ཟ་མ་ལུག་དང་། གཏའ་གམ་བ་དག་རབ་ཏུ་འབྱིན་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུ་དག་ཀྱང་རབ་ཏུ་དབྱུང་བར་མི་བྱའོ། །​རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །​བསྡུ་བར་བྱ་བའི་སྐབས་སོ། །​རབ་ཏུ་འབྱུང་བའི་གཞི་རྫོགས་སྷོ།​། །​།



The English translation of this folio by 84000 Translating the words of the Buddha can be found at:
https://read.84000.co/translation/toh1-1.html?part=UT22084-001-001-29300#UT22084-001-001-29300